Guðmundur Guðmundsson (Hvoli)

From Heimaslóð
Jump to: navigation, search

Guðmundur Guðmundsson frá á Hvoli við Heimagötu, síðar vélamaður á Vífilsstöðum fæddist 20. júní 1893 á Efri-Kvíhólma u. Eyjafjöllum og lést 11. mars 1921.
Foreldrar hans voru Margrét Ingimundardóttir, þá hjá foreldrum sínum á Efri-Kvíhólma, f. 19. ágúst 1868, d. 15. nóvember 1958, og Guðmundur Þorsteinsson bóndi og smiður í Rimakoti í A-Landeyjum, f. 23. nóvember 1860, drukknaði 26. apríl 1893.

Guðmundur ólst upp hjá móðurforeldrum sínum á Efri-Kvíhólma, fluttist með fjölskyldunni að Hvoli í Eyjum 1908.
Hann var með þeim 1910, finnst síðan ekki í Eyjum, en er skráður ókvæntur vélamaður á Vífilsstaðahæli 1920. Hann lést 1921 „motormaður“ á Vífilsstöðum.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.