Guðmundur Ásgeirsson (kennari)
Guðmundur Páll Ásgeirsson kennari fæddist 21. júní 1947 í Reykjavík.
Foreldrar hans voru Ásgeir Jónsson Bjarnasonar deildarstjóri, f. 21. apríl 1919, d. 29. maí 2004 og kona hans Hulda Sigríður Guðmundsdóttir hjúkrunarfræðingur, f. 2. september 1920, d. 13. maí 2010.
Guðmundur lauk landsprófi í Gagnfræðaskólanum í Vonarstræti 1966, var í Samvinnuskólanum í Bifröst 1966-1968, lauk kennaraprófi 1970, varð stúdent í K.Í. 1972, lauk B.A.-prófi í sálarfræði í H.Í. 1977. Hann stundaði framhaldsnám í sálarfræði í Kennaraháskólanum í Khöfn 1979.
Hann var kennari í Ármúlaskóla í Rvk 1970-1975, Fjölbrautarskólanum í Breiðholti 1975-1976, var stundakennari í Fósturskóla Íslands og K.H.Í 1975-1976, kennari í Barnaskólanum í Eyjum 1976-1979, stundakennari í Gagnfræðaskólanum í Eyjum 1976-1978. Hann var uppeldisfulltrúi hjá Unglingaheimili ríkisins (neyðarathvarfi) frá 1. janúar 1983.
Þau Halldóra giftu sig 1969, eignuðust tvö börn, en skildu.
Þau Anna Sjöfn giftu sig, eignuðust eitt barn.
I. Kona Guðmundar, (10. ágúst 1969, skildu 1981), er Halldóra Magnúsdóttir kennari, skólastjóri, f. 17. júlí 1948. Foreldrar hennar Magnús Kristinn Randrup, f. 24. september 1926, d. 6. janúar 2006 og kona hans Auður Guðmundsdóttir húsfreyja, f. 10. október 1928, d. 5. ágúst 1998.
Börn þeirra:
1. Magnús Jóhann Guðmundsson, f. 20. mars 1969. Kona hans Charlotte Johansson.
2. Hulda Ásgerður Guðmundsdóttir, f. 20. ágúst 1972. Maður hennar Bo Johan Ivarssoon.
II. Kona Guðmundar er Anna Sjöfn Sigurðardóttir kennari, f. 16. janúar 1952. Foreldrar hennar Sigurður Njálsson forstjóri, f. 27. mars 1922, d. 23. janúar 2012, og kona hans Guðný Þorsteinsdóttir, f. 17. janúar 1925, d. 2. júní 2013.
Barn þeirra:
3. Guðný Guðmundsdóttir, f. 2. júlí 1980.
Heimildir
- Samantekt: Víglundur Þór Þorsteinsson.
- Íslendingabók.
- Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
- Morgunblaðið.
Þessi grein tilheyrir Æviskrám Eyjafólks eftir Víglund Þór Þorsteinsson.