Pétur Jónsson (Sigtúni)

Pétur Jónsson.

Pétur Jónsson frá Sigtúni, rafvirki, rafvélavirki í Reykjavík fæddist þar 16. júlí 1943.
Foreldrar hans voru Jón Pétursson verkamaður, bifreiðastjóri, f. 8. júní 1912, d. 5. nóvember 2001, og fyrrum kona hans Arnrós Berta Valdimarsdóttir frá Sigtúni, húsfreyja, f. 25. ágúst 1921, d. 7. júlí 1972.

Pétur var með foreldrum sínum, í Vestra-Þorlaugargerði, en þau skildu.
Hann lærði rafvirkjun í tvö og hálft ár og rafvélavirkjun í tvö og hálft ár í Iðnskólanum í Eyjum og í Reykjavík, lauk sveinsprófi 1970. Meistarar voru Axel Sölvason og Ögmundur Kristgeirsson.
Pétur var rafvirki á flutningaskipum, síðan hjá Rafmagnsveitum Ríkisins.

I. Fyrrum kona Péturs er Guðrún Elísabet Jónsdóttir.

II. Kona hans er Edda Sigurbjörg Þorvaldsdóttir húsfreyja, hattagerðarmeistari í Reykjavík, f. 3. nóvember 1934 á Eyrarbakka. Foreldrar hennar Þorvaldur Sigurðsson barnakennari, f. 22. júlí 1898 í Rauðsholti í Hjaltastaðaþinghá, N-Múl., d. 4. desember 1983, og kona hans Ingibjörg Einarsdóttir húsfreyja, f. 27. mars 1909 á Bakka í Borgarfirði eystra, d. 13. maí 1987.
Börn Eddu og fósturbörn Péturs:
1. Ingibjörg Þóra Stefánsdóttir flugfreyja, f. 28. janúar 1960. Sambúðarmaður hennar Andrés Gíslason.
2. Amalía Rut Gunnarsdóttir innanhússarkitekt, leiðsögumaður, f. 26. júlí 1963, d. 11. ágúst 2005. Maður hennar Jónas Yamak.

---

Heimildir

• Samantekt: Víglundur Þór Þorsteinsson.
• Íslendingabók.
• Pétur.
• Prestþjónustubækur.
• Rafvirkjatal. Ritstjóri: Þorsteinn Jónsson, Gunnar Guðmundsson og fleiri. Þjóðsaga hf. 1995.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---