Þórunn Markúsdóttir (Ármótum)

Jóna Þórunn Markúsdóttir frá Ármótum við Skólaveg 14, húsfreyja, starfsmaður Íþróttamiðstöðvarinnar fæddist þar 3. mars 1941.
Foreldrar hennar voru Markús Jónsson frá Ármótum, skipstjóri, starfsmaður Olís, f. 3. apríl 1920, d. 27. apríl 1998, og fyrri kona hans Auður Ágústsdóttir frá Varmahlíð, húsfreyja, f. 24. júní 1922, d. 6. júlí 1963.

Þórunn var með foreldrum sínum.
Hún varð 3. bekkjar gagnfræðingur í Gagnfræðaskólanum 1958.
Hún var fiskiðnaðarkona, síðar starfsmaður Íþróttamiðstöðvarinnar.
Þau Björgvin giftu sig 1961, eignuðust fimm börn, en misstu eitt þeirra á fyrsta ári þess. Þau bjuggu að Ármótum, síðar við Strembugötu 24.

I. Maður Þórunnar, (í júlí 1961), er Björgvin Magnússon sjómaður, yfirhafnsögumaður, f. 19. september 1938 á Flateyri við Önundarfjörð.
Börn þeirra:
1. Auður Björgvinsdóttir prentsmiður, skrifstofumaður, f. 4. nóvember 1960. Maður hennar Brynjólfur Bragason.
2. Markús Björgvinsson, vélstjóri, f. 4. nóvember 1960. Kona hans Laufey Konný Guðjónsdóttir.
3. Drengur, f. 27. desember 1962, d. 25. mars 1963.
4. Jón Magnús Björgvinsson, húsasmíðameistari, f. 14. febrúar 1966. Barnsmóðir hans Hulda Jónsdóttir.
5. Björgvin Þór Björgvinsson sjómaður, f. 14. nóvember 1973.

---

Heimildir

• Samantekt: Víglundur Þór Þorsteinsson.
• Björgvin.
• Íslendingabók.
• Prestþjónustubækur.
• Vélstjóra- og vélfræðingatal. Ritstjórar: Þorsteinn Jónsson og Franz Gíslason. Þjóðsaga 1996 og 1997.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---