Ólafur Bjarnason (Svaðkoti)

Ólafur Bjarnason frá Svaðkoti fæddist 6. ágúst 1862 og drukknaði 16. júní 1883.
Foreldrar hans voru Bjarni Ólafsson bóndi, f. 22. janúar 1836, drukknaði 16. júní 1883, og kona hans Ragnheiður Gísladóttir húsfreyja, f. 28. september 1833, d. 7. júlí 1911.
Ólafur ólst upp hjá foreldrum sínum.
Hann drukknaði ásamt föður sínum og þrem öðrum vestur af Höfðanum 16. júní 1883. Talið var, að hvalur hefði grandað bátnum. Ólafur var sá eini, sem fannst í bátnum.
Þeir, sem fórust, voru:
1. Bjarni Ólafsson bóndi í Svaðkoti.
2. Ólafur sonur hans.
3. Tíli Oddsson bóndi í Norðurgarði.
4. Guðmundur Erlendsson, 15 ára léttadrengur hjá honum.
5. Jón Árnason vinnumaður í Draumbæ.

---

Heimildir

• Samantekt: Víglundur Þór Þorsteinsson.
• Prestþjónustubækur.
• Saga Vestmannaeyja. Sigfús M. Johnsen. Ísafoldarprentsmiðja h.f. 1946.