Ögmundur Björnsson

Ögmundur Björnsson fæddist um 1751 og lézt 16. febrúar 1793.
Líklega er hann sá, sem er bóndi á Hvoli í Mýrdal 1777. Hann mun vera af sömu ætt og Ögmundur Árnason frá Kerlingardal í Mýrdal, faðir Jóns í Stakkagerði og síðar í Dalbæ, og faðir Ögmundar í Landakoti og Arnbjarnar í Presthúsum.

Ögmundur fékk legorðssekt vegna barneigna utan hjónabands í Sólheimaþingum í Mýrdal 1787 og 1789. Börnin munu hafa verið Oddur og Kristín.
Hann fluttist til Eyja frá Landeyjum og var þar 1793.

Maki, barnsmóðir: Ingigerður Árnadóttir ljósmóðir, f. um 1764.
Börn: Oddur, f. 1787 og Kristín, f. 1789.

---

Heimildir

• Upphaflega grein skrifaði Víglundur Þór Þorsteinsson
• Björn Magnússon: Vestur-Skaftfellingar. Reykjavík: Prentsmiðjan Leiftur, 1970-1973.
• Íslendingabók.
• Ljósmæður á Íslandi. Reykjavík: Ljósmæðrafélag Íslands, 1984.
• Prestþjónustubækur.