Margrét Soffía Lísbet Vigfúsdóttir (Hólshúsi)

Margrét Soffía Lísbet Vigfúsdóttir húsfreyja í Garðhúsum fæddist 23. október 1857 og lést 10. maí 1942.
Foreldrar hennar voru Vigfús Jónsson tómthúsmaður í Hólshúsi, f. 6. október 1822, d. í apríl 1867, og fyrri kona hans Margrét Skúladóttir húsfreyja, f. 11. nóvember 1824, d. 16. október 1859.
Margrét Soffía var tökubarn í Stakkagerði 1860. Hún var fósturbarn þar 1870, vinnukona þar 1880. Húsfreyja var hún í Garðhúsum 1901, 1910 og 1920, síðar húsfreyja í Reykjavík.
Maður Margrétar Soffíu var Einar Jónsson frá Akurey í V-Landeyjum, fiskimatsmaður í Garðhúsum 1920, f. 2. júní 1867, d. 19. apríl 1950.
Barn þeirra hér:
Axel Theodór Einarsson listmálari, f. 16. nóvember 1896, d. 30. apríl 1974.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Saga Vestmannaeyja. Sigfús M. Johnsen. Ísafoldarprentsmiðja h.f. 1946.