Málþing til heiðurs Þorsteini Þ. Víglundssynilaugardaginn 26. mars 2011.
Í mars 2011 eru 75 ár liðin frá því Þorsteinn Þórður Víglundsson hóf göngu Bliks,merkasta menningarrits úr Vestmannaeyjum. Af því tilefni mun Sögusetur 1627 og Bókasafn Vestmannaeyja standa fyrir málþingi til heiðurs Þorsteini.
Dagskráin verður í Einarsstofu, anddyri Safnahúss og hefst kl. 14
laugardaginn 26. mars og áætlað að henni ljúki um kl. 16:30.
Dagskráin verður auglýst síðar, en meðal efnis má nefna að vinir og samstarfsmenn minnast Þorsteins, kynning verður á Bliki á heimaslóð, myndasýning úr Bliki, fjallað um fyrirhugaðar breytingar á Byggðasafninu, upplestur o.fl.
Kornhólsskans, betur þekkt sem Skansinn, hefur í aldaraðir verið fjölsóttur og vinsæll meðal Vestmannaeyinga, hvort sem er á sumri eða vetri. Útsýnið og fegurðin hafa löngum verið einstæð, en á veturna var oft hrikalegt að horfa af Skansinum út á vetrarsjóinn. Fólk fór oft út á Skansinn þegar bátar voru talstöðvarlausir og aðstandendur biðu milli vonar og ótta eftir að sjá bátskel föður eða eiginmanns birtast fyrir Klettsnefið og lensa heilu og höldnu inn Víkina.
