Rósa Eyjólfsdóttir (Norðurgarði)
Sjá aðgreiningarsíðuna fyrir aðra sem hafa borið nafnið „Rósa Eyjólfsdóttir“
Rósa Eyjólfsdóttir húfreyja í Norðurgarði fæddist 10. desember 1857 á Hellisfjörubökkum í Vopnafirði og lést 6. janúar 1907 í Norðurgarði.
Ætt og uppruni
Foreldrar Rósu voru Eyjólfur bóndi á Hellisfjörubökkum í Vopnafirði, f. 24. september 1831 á Hraunfelli í Vopnafirði, d. 19. marz 1863, Björns bónda á Hraunfelli þar, f. 1773 á Sléttu í Reyðarfirði, d. 1846, Péturssonar og síðari konu Björns, Guðrúnar húsfreyju, f. 1800, d. 1866, Sveinsdóttur. Móðir Rósu og kona Eyjólfs var Anna Sigríður húsfreyja á Hellisfjörubökkum, f. 12. júlí 1831, Gríms bónda í Leiðarhöfn í Vopnafirði („Álfa-Gríms”) f. 1789, drukknaði 26. marz 1833, Grímssonar og síðari konu Gríms í Leiðarhöfn, Arndísar Hildibrandsdóttur frá Hofi í Fellum á Héraði, f. 1802.
Lífsferill
Rósa ólst upp á Vakurstöðum í Vopnafirði og var þar vinnukona 1880. Hún var vinnukona að Eiríksstöðum í Seyðisfirði, er hún giftist. Þau Finnbogi giftust 26. september 1885 og fluttist hún með honum og tveim börnum þeirra, Birni Þórarni og Ágústi Kristjáni, til Eyja 1888. Hún var húsfreyja á annasömu heimili. Hún lézt að Norðurgarði 6. janúar 1907.
Börn þeirra Finnboga voru:
- Björn Þórarinn, f. 7. desember 1885,
- Ágúst Kristján, f. 1. ágúst 1887,
- Stefán, f. 7. júlí 1889,
- Finnbogi, f. 11. maí (20. í pr.þj.b.) 1891,
- Árni Sigurjón, f. 16. desember (5. í pr.þj.bók) 1893.
Heimildir
- Lára Halla Jóhannesdóttir frá Kirkjulundi vann rannsóknir á prestþjónustubókum, manntölum og ættartölum, en mest skrifaði hún eftir móður sinni Öldu Björnsdóttur fyrrum húsfreyju að Kirkjulundi, en Víglundur Þór Þorsteinsson skrifaði á Heimaslóð.
- Einar Jónsson. Ættir Austfirðinga. Reykjavík: Austfirðingafélagið í Reykjavík, 1953-1968.