Þórdís Magnúsdóttir (hjúkrunarfræðingur)
Þórdís Magnúsdóttir hjúkrunarfræðingur, húsfreyja fæddist 19. júlí 1954 í Reykjavík.
Foreldrar hennar Magnús Jónsson vélvirkjameistari, verkstjóri, f. 27. nóvember 1918, d. 3. júní 2008, og kona hans Guðlaug Bergþórsdóttir húsfreyja, matráðskona, f. 16. nóvember 1927.
Þórdís varð gagnfræðingur í Réttarholtsskóla 1971, var í framhaldsdeild á hjúkrunarkjörsviði þar 1971-1973, lauk námi í H.S.Í. í október 1976, stundaði framhaldsnám í handlækninga- og lyflækningahjúkrun 1981-1983, stundaði nám með vinnu í Endurmenntunarstofnun H.Í. í stjórnun og rekstri heilbrigðisþjónustu 2001-2003.
Hún var hjúkrunarfræðingur í Sjúkrahúsinu í Eyjum frá 1. nóvember 1976, var deildarstjóri handlækningadeildar frá 16. október 1977 til 1984, á Landakoti 1984-1986, deildarstjóri 1986-1991, hjúkrunarstjóri 1991-1993, á handlækningadeild á Borgarspítalans 1993-1999, hjúkrunarstjóri á Heilsugæslu Kópavogs 1999-2003, hjúkrunarforstjóri á Heilsugæslu höfuðborgarsvæðisins 2004-2008, forstöðumaður heimahjúkrunar Reykjavíkurborgar 2009 til loka ársins 2021.
Þau Hlynur giftu sig 1979, eignuðust tvö börn. Þau bjuggu við Heiðarveg 68 1986, búa við Hraunbraut í Kóp.
I. Maður Þórdísar, (7. apríl 1979), er Hlynur Ólafsson grafískur hönnuður, auglýsingateiknari, frímerkjateiknari, fyrrverandi starfsmaður Flugfélags Íslands og Flugleiða, f. 12. ágúst 1956.
Börn þeirra::
1. Hans Róbert Hlynsson verkfræðingur, bankastarfsmaður, f. 29. ágúst 1985. Kona hans Guðný Jónasdóttir.
2. Aníta Björk Hlynsdóttir verkfræðingur í London, vinnur í róbottum hjá Bloomberg. Sambúðarmaður hennar Tom Wintle.
Heimildir
- Samantekt: Víglundur Þór Þorsteinsson.
- Hjúkrunarfræðingatal I-III. Hjúkrunarfélag Íslands 1969-1992.
- Íslendingabók.
- Þórdís.
Þessi grein tilheyrir Æviskrám Eyjafólks eftir Víglund Þór Þorsteinsson.