Erla Guðnadóttir (Ráðagerði)
Erla Guðnadóttir frá Miðbæ við Faxastíg 18, húsfreyja, fiskverkakona fæddist 8. apríl 1935 í Ráðagerði við Skólaveg 19 og lést 19. júlí 1999.
Foreldrar hennar voru Guðni Sigurðsson verkamaður í Ráðagerði og Miðbæ, f. 5. nóvember 1899, d. 15. nóvember 1985, og kona hans Guðbjörg Guðvarðardóttir húsfreyja, f, 16. desember 1894, d. 22. mars 1978.
Erla var með foreldrum sínum í æsku, í Ráðagerði til 1949 og í Miðbæ við Faxastíg 18 frá 1949-Goss 1973, er hún flutti til Reykjavíkur, bjó þar í Bólstaðarhlíð 48 með foreldrum sínum.
Erla vann fiskvinnslustörf í Eyjum, en síðan í Offsettprenti í Reykjavík.
Hún eignaðist dóttur með Sigurði 1954, en hún missti hana 1972.
Þau Helgi giftu sig 1973, eignuðust ekki börn saman.
Erla bjó síðast í Bólstaðarhlíð 48. Hún lést 1999 og Helgi 2012.
I. Barnsfaðir Erlu var Sigurður Jóhann Jóhannsson, búsettur á Ólafsfirði, f. 3. apríl 1930, d. 27. júní 2012.
Barn þeirra:
1. Sigríður Sigurðardóttir, f. 16. janúar 1954 á Sj., d. 19. nóvember 1972.
II. Maður Erlu, (14. júlí 1973), var Helgi Pálmarsson verkamaður, f. 20. janúar 1934, d. 6. desember 2012. Foreldrar hans voru Pálmar Þórir Ísólfsson frá Stokkseyri, hljóðfærasmiður, f. 28. júlí 1900, d. 26. ágúst 1982, og kona hans Andrea Helgadóttir húsfreyja, f. 22. nóvember 1905, d. 20. september 2000. Þau voru barnlaus.
Heimildir
- Samantekt: Víglundur Þór Þorsteinsson.
- Íslendingabók.
- Morgunblaðið 23. júlí 1999. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.