Þorbjörg Júlíusdóttir
Þorbjörg Júlíusdóttir húsfreyja, móttökuritari fæddist 2. febrúar 1948 í Reykjavík.
Foreldrar hennar voru Júlíus Gunnar Þorgeirsson vélstjóri, nú á Hrafnistu í Reykjavík, f. 8. mars 1925 í Flatey á Breiðafirði, og kona hans Svandís Nanna Pétursdóttir frá Skáleyjum á Breiðafirði, húsfreyja, f. 10. desember 1925 á Rauðseyjum þar, d. 13. mars 2013 á Landspítalanum.
Þorbjörg var með foreldrum sínum í æsku.
Hún lauk verslunarprófi í Réttarholtsskóla í Reykjavík.
Leið hennar lá til Eyja 1965. Þar varð hún móttökuritari við heilsgæsluna í áratugi.
Þau Sigurfinnur giftu sig 1965, eignuðust þrjú börn, bjuggu í fyrstu á á Hásteinsvegi 55, á Stuðlabergi (áður Oddgeirshólar) 1972-1982, á Búhamri 64 til 2020, og ætla að búa í Ísfélagshúsinu í nánustu framtíð.
I. Maður Þorbjargar, (11. september 1965), er Sigurfinnur Sigurfinnsson, listmálari, kennari, f. 18. júní 1944.
Börn þeirra:
1. Gunnar Már Sigurfinnsson framkvæmdastjóri, f. 9. janúar 1965. Kona hans Linda Hængsdóttir.
2. Nanna Dröfn Sigurfinnsdóttir húsfreyja, leikskólastarfsmaður, f. 28. desember 1966. Maður hennar Óttar Gunnlaugsson.
3. Sigurfinnur Viðar Sigurfinnsson netagerðarmaður, sjómaður, matsveinn, f. 9. apríl 1975. Kona hans Ása Sigurðardóttir.
Heimildir
- Samantekt: Víglundur Þór Þorsteinsson.
- Íslendingabók.is.
- Prestþjónustubækur.
- Þorbjörg og Sigurfinnur.
Þessi grein tilheyrir Æviskrám Eyjafólks eftir Víglund Þór Þorsteinsson.