Halldór Rósmundur Helgason
Halldór Rósmundur Helgason verkamaður í Njarðvík fæddist 1. júní 1926 í Reynisholti og lést 2. janúar 2011.
Foreldrar hans voru Helgi Kristinn Halldórsson sjómaður, f. 19. ágúst 1897, d. 27. janúar 1977, og kona hans Ragnhildur Magnúsdóttir húsfreyja, f. 19. febrúar 1900, d. 14. janúar 1939.
Halldór Rósmundur var með foreldrum sínum í æsku. Hann fluttist með þeim til Ólafsfjarðar 1929 og ólst þar upp. Þar eignuðust foreldrar hans tvö börn, en faðir hans hafði ættleitt Alexander, sem ólst þar upp.
Móðir hans lést 1939.
Faðir hans kvæntist Guðfinnu Jónsdóttur frá Ólafsfirði og eignaðist með henni þrjú börn.
Halldór Rósmundur fluttist í Njarðvík. Hann kvæntist Sigríði Halldóru og eignaðist með henni 2 börn og þau ættleiddu barn.
Sigríður lést 1993 og Halldór 2011.
Kona Halldórs Rósmundar var Sigríður Halldóra Loftsdóttir, f. 26. mars 1925, d. 16. maí 1993.
Börn þeirra:
1. Magnea Halldórsdóttir húsfreyja, f. 3. ágúst 1948.
2. Ragnar Helgi Halldórsson smiður, f. 1. ágúst 1951.
3. Halldóra Halldórsdóttir húsfreyja, kjörbarn, f. 13. ágúst 1961.
Heimildir
- Samantekt: Víglundur Þór Þorsteinsson.
- Íslendingabók.is.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.