Guðmundur Guðmundsson (Búastöðum)

Guðmundur Guðmundsson vinnumaður á Búastöðum fæddist 1830 og drukknaði 14. maí 1857.
Foreldrar hans voru Guðmundur Guðmundsson bóndi í Syðri-Rotum u. Eyjafjöllum, f. 1795, d. 26. nóvember 1855, og kona hans Ólöf Eyjólfsdóttir húsfreyja, f. 1795, d. 24. júlí 1860.

Bróðir Guðmundar var Eyjólfur Guðmundsson vinnumaður, f. 1835, drukknaði 1859.

Guðmundur var með foreldrum sínum til fullorðinsára.
Hann fluttist að Búastöðum frá Rotum 1854 og var vinnumaður þar til dd.
Guðmundur drukknaði í Höfninni 1857 ásamt Þorsteini Guðmundssyni í Fagurlyst.
Hann var ókvæntur og barnlaus í Eyjum.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.