Daníel Magnússon eldri (Kirkjubæ)

Daníel Magnússon húsmaður á Kirkjubæ fæddist 1758 á Önundarstöðum í A-Landeyjum og lést 11. nóvember 1827 á Kirkjubæ.
Foreldrar hans voru Magnús Jónsson bóndi á Önundarstöðum, f 1715, d. 23. ágúst 1785, og kona hans Margrét Vigfúsdóttir húsfreyja, f. 1728, d. 6. nóvember 1799.

Daníel var bróðir Guðrúnar Magnúsdóttur húsfreyju, f. 1767, d. 14. október 1839. Hann var bóndi á Önundarstöðum 1786-1787, var síðan hjá Vigfúsi bróður sínum þar uns hann fluttist til Eyja.
Hann var húsmaður á Kirkjubæ við andlát 1827.

---

Heimildir

• Samantekt: Víglundur Þór Þorsteinsson.
• Íslendingabók.is.
• Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
• Manntöl.
• Prestþjónustubækur.