Úr fórum Árna Árnasonar. Verk annarra/Kveðið í Slippnum

Úr fórum Árna Árnasonar

Kveðið í Slippnum

Brynjólfur Einarsson:

Skýfall

Vantar þurrk og vantar birtu,

vætan fellir mig.

Nú þyrftu allir aukaskirtu

utan yfir sig. —

Rosatíð

Ekki er búið enn að kanna

alla hluti í náttúrunni

né, hvort hugir margra manna

megna að breyta veðráttunni.

Mb. Björgvin datt í slippnum

Fjarskalega fór þetta illa með hann,

flatur lenti Björgvin niður á sleðann.

Reykdal sagði, og var það mjög til vona,

voðalega slæmt að fá hann svona.

Guðmundur á Háeyri

um sama.

Agalegur vindur vatt

veika grenihæla.

Báturinn hann Björgvin datt

í brautina hans Sæla.

Guðmundur á Háeyri

um brennivínshækkun.

Andskoti er Dauðinn dýr,

drjúg er stjórnarbótin.

Verðið fullar fjórar kýr,

fæddar um aldamótin.

Sögin góða

Eins og brygði ofan í lög

eik með harða kvisti,

beitti enginn betri sög,

bútaði jafnt og risti.

Úr fórum Árna Árnasonar, efnisyfirlit