Þórdís Vigfúsdóttir (Miðhúsum)
Þórdís Vigfúsdóttir húsfreyja í Rimakoti í A-Landeyjum, síðar á Miðhúsum í Eyjum, fæddist 1744 á Klasabarða í V-Landeyjum og lést 1. janúar 1840.
Faðir hennar var Vigfús bóndi á Eystri-Klasabarða, f. 1706, Guðmundsson. (Ætt ókunn).
Móðir Þórdísar var Margrét húsfreyja á Álfhólum, f. 1719, Guðmundsdóttir bónda á Álfhólum og Klasabarða, f. 1682, d. 1729, Gíslasonar bónda á Vestri-Klasabarða 1703, Árnasonar, og konu Gísla Árnasonar, Margrétar húsfreyju, f. 1645, Guðmundsdóttur.
Móðir Margrétar Guðmundsdóttur á Álfhólum var Sigríður húsfreyja, f. 1685, Hróbjartsdóttir, og konu Hróbjarts, Þuríðar húsfreyju, ekkju á Kirkjulæk í Fljótshlíð 1703, f. 1646, Þorbjörnsdóttur.
Þórdís bjó í Rimakoti a.m.k. 1775 og 1779, en var komin með Guðmundi á Vilborgarstaði í Eyjum 1787 og var þar enn 1789. Hún var í Ömpuhjalli 1791-1792 og á Miðhúsum 1800 og 1801 (sögð Helgadóttir 1801).
Við manntal 1816 var hún ekkja í Stakkagerði hjá Guðfinnu dóttur sinni.
Við manntal 1835 var hún hjá sr. Tómasi syni sínum í Villingaholti.
Maður Þórdísar var Guðmundur Bárðarson, f. 1745, d. 1. júlí 1813.
Börn Þórdísar og Guðmundar:
1. Margrét Guðmundsdóttir húsfreyja á Vilborgarstöðum, f. 1772, d. 10. ágúst 1843, gift Þorvaldi Gíslasyni.
2. Guðfinna Guðmundsdóttir húsfreyja og ljósmóðir í Stakkagerði, f. 1776, d. 27. júní 1832, gift Bergi Brynjólfssyni.
3. Tómas Guðmundsson prestur í Villingaholti í Flóa, f. 25. nóvember 1779, d. 17. ágúst 1855, giftur fyrr Halldóru Aradóttur prests Guðlaugssonar, síðar Guðlaugu Jónsdóttur frá Unnarholti í Hreppum.
Heimildir
- Samantekt: Víglundur Þór Þorsteinsson.
- Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
- Landmannabók – Landsveit. Valgeir Sigurðsson, Ragnar Böðvarsson og fleiri. Rangárþing ytra, Hellu 2003.
- Manntöl.
- Íslendingabók.is.