Ari Guðlaugsson

Úr Heimaslóð, Sögusetri Vestmannaeyja
Fara í flakk Fara í leit

Ari Guðlaugsson var prestur Vestmannaeyinga í Ofanleitissókn frá 1789 til ársins 1809. Foreldrar hans voru séra Guðlaugur Þorgeirsson í Görðum á Álftanesi og Valgerður Þórðardóttir. Ari stundaði nám í Skálholtsskóla og varð stúdent þaðan 1763. Hann lauk embættisprófi í guðfræði frá háskólanum í Kaupmannahöfn árið 1769.

Ari vígðist sem aðstoðarprestur föður síns árið 1771. Hann fékk síðan fulla prestastöðu við Stað í Grindavík árið 1774, svo Selvogsþing árið 1788 og hélt því til ársins 1789 er hann tók við Ofanleiti, þar sem hann starfaði til æviloka.

Kona hans var Kristín Grímsdóttir. Börn þeirra voru tvö, Halldóra Aradóttir og Jón Arason sem tók við prestdæminu af föður sínum.


Heimildir

  • Guðlaugur Gíslason: Eyjar gegnum aldirnar. Frásagnir af mannlífi og atburðum í Vestmannaeyjum frá gamalli tíð og nýrri. Reykjavík, 1982.
  • Sigfús M. Johnsen: Saga Vestmannaeyja.