Jón Jónsson (Háagarði)

Jón Jónsson bóndi í Háagarði, f. 1768 á Ægissíðu, Rang., skírður 3. apríl það ár, og lést á Galtalæk 28. febrúar 1845.
Foreldrar Jóns í Háagarði voru Jón Þorsteinsson bóndi á Víkingslæk, Arnþórssonar, en móðir Jóns og kona Jóns Þorsteinssonar var Guðrún, f. 1716, d. 1778, Brandsdóttir bónda á Rimahúsum undir Eyjafjöllum, Bjarnasonar.
Jón var tvígiftur:
II. Fyrri kona Jóns var (24. maí 1798) Valgerðar Guðbrandsdóttir, f. 1761, d. 16. apríl 1801.
Foreldrar hennar voru Guðbrandur bóndi á Geirlandi á Síðu, (flýði í Móðuharðindunum), síðar á Lágafelli í A-Landeyjum og víðar sunnanlands, síðast á Brú í Stokkseyrarhreppi, f. um 1728, d. 5. maí 1804 á Brú, Eiríksson bónda í Hörgsdal þar, f. 1691, Bjarnasonar bónda á Geirlandi, f. 1655, Eiríkssonar og fyrri konu Bjarna, Fídes Þorláksdóttur.
Móðir Valgerðar og fyrsta kona Guðbrands var Katrín húsfreyja, f. 1723, Vigfúsdóttir bónda á Hæðargarði í Landbroti, V-Skaft., f. 1653, Órækjusonar bónda á Arnardrangi Vigfússonar. Kona Vigfúsar Órækjusonar og móðir Katrínar var Valgerður Jónsdóttir, f. 1688.
Börn þeirra Jóns og Valgerðar voru:
1. Margrét, f. 27. apríl 1797, d. 24. mars 1860, gift Árna Finnbogasyni bónda á Galtalæk á Landi.
2. Bjarni bóndi á Strönd á Rangárvöllum, f. 21. febrúar 1799, d. 25. apríl 1877, kvæntur Þuríði Eyjólfsdóttur, f. 22. ágúst 1794, d. 5. júlí 1863. Þau voru foreldrar Samúels Bjarnasonar mormónaprests og bónda í Görðum við Kirkjubæ, síðar bónda í Utah.
3. Guðbrandur bóndi á Fossi í Mýrdal, f. 6. apríl 1891, d. 21. maí 1840, kvæntur Gróu Vigfúsdóttur.
II. Síðari kona var (9. júlí 1816) Kristín Stefánsdóttir húsfreyja í Háagarði, f. 1742, d. 8. febrúar 1837. Þau Jón voru barnlaus.
Jón reisti bæ í Keldnaseli á Rangárvöllum og bjó þar 1798-1799, á Núpi þar 1799-1804.
Hann var bóndi í Háagarði í Eyjum 1816-1835. Þar voru þau Kristín á mt. 1816.
Síðast var hann húsmaður á Galtalæk á Landi hjá Margréti dóttur sinni og Árna Finnbogasyni og lést þar 1845.

---

Heimildir

• Landeyingabók - A-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur–Landeyjahreppur, Gunnarshólma 1999.
• Landmannabók – Landsveit. Valgeir Sigurðsson og fleiri. Ritstjóri: Ragnar Böðvarsson. Rangárþing ytra, Hellu 2003.
• Vestur-Skaftfellingar 1703-1966. Björn Magnússon. Leiftur 1970-1973.
• Rangvellingabók. Valgeir Sigurðsson. Rangárvallahreppur, Hellu 1982.
• Bólstaðir og búendur í Stokkseyrarhreppi, bls. 202. Guðni Jónsson. Stokkseyringafélagið í Reykjavík 1952.
• Manntöl.