Heiðar Magnússon (Hæli)
Heiðar Magnússon frá Hæli við Brekastíg 109, sjómaður fæddist 21. nóvember 1939 á Vallargötu 10 í Keflavík.
Foreldrar hans voru Magnús Friðjón Björnsson járnsmíðameistari, f. 23. ágúst 1885, d. 21. júlí 1953, og kona hans Jónína Þórðardóttir frá Klöpp við Njarðarstíg 16, húsfreyja, f. 12. apríl 1909, d. 16. mars 1994.
Börn Jónínu og Magnúsar:
1. Heiðar Magnússon sjómaður, verkamaður, f. 21. nóvember 1939.
2. Jóhann Magnússon verkamaður, f. 21. ágúst 1945, d. 17. desember 2003.
3. Emelía Magnúsdóttir húsfreyja í Arizona í Bandaríkjunum, f. 30. maí 1950.
Heiðar var með foreldrum sínum í æsku, en faðir hans lést 1953. Hann flutti með móður sinni til Eyja. Þau bjuggu á Hæli.
Hann var sjómaður á ýmsum bátum og togurum, vann síðar á afgreiðslu Herjólfs í 15 ár.
Heiðar býr í Garðhúsum við Kirkjuveg 14.
Heimildir
- Samantekt: Víglundur Þór Þorsteinsson.
- Íslendingabók.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.