Sigríður Nikulásdóttir (Austurvegi 20)
Sigríður Nikulásdóttir húsfreyja, Austurvegi 20, fæddist 18. júlí 1914 á Stokkseyri og lézt í Reykjavík 15. maí 1973.
Foreldrar hennar voru Nikulás formaður í Bræðraborg á Stokkseyri, f. 1885, d. 1953, Bjarna formanns á Stokkseyri, Nikulássonar, og kona Nikulásar í Bræðraborg, Filippía húsfreyja, f. 1878, d. 1930, Gestsdóttir frá Vetleifsholtsparti, Stefánssonar.
Þau Sigurjón giftu sig 1939, eignuðust þrjú börn. Þau bjuggu á Haukabergi 1939 og enn 1942, í Höfða 1945, við Sjómannasund 1949.
Þau bjuggu á Austurvegi 20, nýbyggðu húsi sínu, frá 1950-Goss, er þau fluttust til Reykjavíkur.
Sigríður lést í maí 1973 og Sigurjón 2004.
I. Maður hennar, (16. september 1939), var Sigurjón Auðunsson
vélstjóri, skipstjóri, verkstjóri, f. 4. apríl 1917, d. 20. febrúar 2004.
Börn þeirra Sigurjóns:
1. Gylfi skrifstofustjóri, f. 8. desember 1939 á Haukabergi.
2. Aðalsteinn bankastjóri, f. 27. marz 1942 á Haukabergi.
3. Ingibjörg bókari, f. 14. nóvember 1950 á Austurvegi 20.
Heimildir
- Samantekt: Víglundur Þór Þorsteinsson.
- Ingibjörg Sigurjónsdóttir.
- Guðni Jónsson. Bólstaðir og búendur í Stokkseyrarhreppi. Reykjavík: Stokkseyringafélagið í Reykjavík, 1952.
Þessi grein tilheyrir Æviskrám Eyjafólks eftir Víglund Þór Þorsteinsson.