Gyða Þórarinsdóttir
Gyða Þórarinsdóttir frá Stóra-Hrauni í Kolbeinsstaðahreppi í Hnapp., húsfreyja fæddist 28. apríl 1935 í Reykjavík.
Foreldrar hennar voru Þórarinn Árnason bóndi á Stóra-Hrauni í Kolbeinsstaðahreppi í Hnapp., síðar fulltrúi í Reykjavík, f. 8. ágúst 1898, d. 8. ágúst 1990, og Rósa Lárusdóttir húsfreyja, síðast í Reykjavík, f. 3. febrúar 1904, d. 17. mars 1987.
Gyða var með foreldrum sínum á Stóra-Hrauni í æsku.
Þau Hafliði fluttu til Reykjavíkur 1959, keyptu jörðina Stórholt í Saurbæ í Dalas. með Ester Guðjónsdóttur og Benedikt Frímannssyni 1970, fluttu nokkru síðar þangað, bjuggu þar til 1978, er þau fluttu til Reykjavíkur og hafa búið þar síðan.
Þau Hafliði giftu sig 1956, eignuðust þrjú börn. Þau bjuggu að Hásteinsvegi 51 í Eyjum, en m.a. í Nóatúni 25 og nú að Suðurlandsbraut 68a í Reykjavík.
I. Maður Gyðu, (30. júní 1956), er Hafliði Guðjónsson frá Skaftafelli, verkamaður, skrifstofumaður, f. þar 21. apríl 1936.
Börn þeirra:
1. Guðjón Hafliðason grafískur hönnuður, áður í Bandaríkjunum, síðan í Reykjavík, f. 17. ágúst 1958 í Eyjum. Kona hans er Líney Kristinsdóttir.
2. Ómar Hafliðason, f. 3. maí 1964, atvinnukafari, vinnur nú hjá Sjótækni. Fyrrum konur Signý Guðbjartsdóttir og Elísabet Ólafsdóttir.
3. Arnbjörg Hafliðadóttir förðunarfræðingur, kvikmyndaframleiðandi, f. 18. apríl 1972, ógift.
Heimildir
- Samantekt: Víglundur Þór Þorsteinsson.
- Gyða.
- Íslendingabók.is.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.