Vilhelmína Eiríksdóttir (Hjálmholti)
Vilhelmína Eiríksdóttir húsfreyja á Ketilsstöðum í Mýrdal, síðast í Hjálmholti, fæddist 26. desember 1839 í Pétursey í Mýrdal og lést 25. febrúar 1920 í Hjálmholti í Eyjum.
Faðir hennar var Eiríkur bóndi á Ketilsstöðum, f. 1759 á Leirum u. Eyjafjöllum, Jónsson bónda á Hrútafelli u. Eyjafjöllum, f. 1769 í Pétursey, d. 30. apríl 1834 á Hrútafelli, Eiríkssonar, og konu hans, Sigríðar húsfreyju, f. 1769 á Rauðafelli u. Eyjafjöllum, Bjarnadóttur.
Móðir Vilhelmínu á Ketilsstöðum og síðari kona Eiríks bónda á Ketilsstöðum var Elín húsfreyja, f. 23. júlí 1801 á Brekkum í Mýrdal, d. 6. janúar 1883 á Ketilsstöðum, Sveinsdóttir bónda, lengst í Hryggjum í Mýrdal, f. 1758, d. 20. október 1838 á Skeiðflöt þar, Eyjólfssonar, og konu Sveins í Hryggjum, Guðrúnar húsfreyju, f. 1760 í Kálfholti í Holtum, Rang., d. 7. júlí 1834 á Skeiðflöt í Mýrdal, Þórðardóttur prests Sveinssonar og konu hans Guðfinnu Þorsteinsdóttur.
Vilhelmína var með foreldrum sínum í Pétursey til ársins 1840, á Ketilsstöðum 1840-1866. Þá varð hún vinnukona á Höfðabrekku í Mýrdal 1866-1867, á Brekkum þar 1867-1868/70, hjá foreldrum sínum á Ketilsstöðum 1868/70-1872, gift kona þar 1872-1873, húsfreyja þar 1873-1905, er hún fluttist til dóttur sinnar Elínar í Eyjum og dvaldi hjá henni til dd.
I. Maður hennar, (26. október 1872), var Runólfur Sigurðsson bóndi á Ketilsstöðum, f. 1. júlí 1836 á Ljótarstöðum í Skaftártungu, d. 14. febrúar 1815 í Bólstað í Mýrdal.
Börn Vilhelmínu og Runólfs:
Elín Runólfsdóttir húsfreyja í Brekkuhúsi, f. 20. september 1873, d. 7. mars 1869.
1. Katrín Runólfsdóttir, f. 1876, d. 1893.
2. Gísli Runólfsson, f. 1877, d. 1877.
3. Sigurjón Runólfsson, f. 18. nóvember 1879, d. 20. júní 1976. Var í Eyjum um skeið, bóndi á Haugnum í Mýrdal 1921-1966. Dóttir hans er Guðrún Sigurjónsdóttir húsfreyja í Eyjum, f. 19. júlí 1925, gift Guðmundi Kristni Ólafssyni vélstjóra, f. 23. ágúst 1918, d. 4. mars 2002.
4. Hugborg Runólfsdóttir, f. 1881.
II. Barn Vilhelmínu með Magnúsi Brandssyni vinnumanni á Ketilsstöðum, f. 5. júlí 1832:
5. Guðrún Magnúsdóttir, f. 15. ágúst 1863, d. 26. ágúst 1863.
Heimildir
- Samantekt: Víglundur Þór Þorsteinsson.
- Vestur-Skaftfellingar 1703-1966. Björn Magnússon. Leiftur 1970-1973.
- Manntöl.
- Íslendingabók.is.
- Garður.is.