Ólöf Þorleifsdóttir (Hallgeirsey)

Ólöf Þorleifsdóttir húsfreyja í Hallgeirsey, síðar vinnukona í Eyjum, fæddist 26. júní 1809 í Hólmum í A-Landeyjum og lést 19. desember 1859.
Foreldrar hennar voru Þorleifur Árnason bóndi í Hólmum, f. 2. ágúst 1789 í Hólmum, drukknaði 4. júní 1833, og kona hans Kristín Hreinsdóttir húsfreyja, f. 1781 í Stóru-Hildisey, d. 2. apríl 1852.

Systir Ólafar var Guðríður Þorleifsdóttir húsfreyja á Oddsstöðum, f. 6. mars 1816, d. 1. október 1850.

Ólöf giftist Sigurði 1837 og sama ár varð hún húsfreyja í Hallgeirsey og bjó með Sigurði til ársins 1847.
Hún var vinnukona í Landeyjum.
Ólöf fluttist að Grímshjalli 1851, en sneri til baka 1852. Hún var vinnukona í Miðey í A-Landseyjum 1855 og lést 1859.

Maður Ólafar, (23. júní 1837, skildu smavistir), var Sigurður Einarsson bóndi í Hallgeirsey, f. 15. júlí 1807, d. 5. desember 1883.
Barn þeirra í Eyjum var
1. Þorleifur Sigurðsson fyrirvinna í Nýja-Kastala, f. 7. október 1837, d. 13. janúar 1861.

---

Heimildir

• Samantekt: Víglundur Þór Þorsteinsson.
• Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
• Manntöl.
• Prestþjónustubækur.