María Árnadóttir (Oddsstöðum)

María Árnadóttir á Oddsstöðum fæddist 8. maí 1861 á Hofi í Öræfum og lést 24. janúar 1878.
Foreldrar hennar voru Árni Þórarinsson bóndi, f. 14. ágúst 1825, d. 17. apríl 1917, og kona hans Steinunn Oddsdóttir húsfreyja, f. 22. janúar 1824, d. 12. febrúar 1906.

Systkini Maríu í Eyjum voru:
1. Anna Sigríður Árnadóttir Johnsen húsfreyja í Frydendal, f. 4. júní 1855, d. 30. ágúst 1930.
2. Sveinn Árnason Skaftfell, f. 6. október 1859. Hann fluttist til Vesturheims 1900.
3. Oddur Árnason útvegsbóndi, f. 30. júní 1865, d. 3. maí 1896.
4. Þorgerður Árnadóttir, síðar í Vesturheimi, - tvíburi við Odd, f. 30. júní 1865.
Hálfbróðir Maríu, (sammæddur), var
5. Stefán Jóhannes Þorláksson, f. 30. október 1844.

María var niðursetningur á Fagurhólsmýri í Öræfum.
Hún fluttist til foreldra sinna á Oddsstöðum 1871.
Hún lést 17 ára úr „einskonar krampaveiki“.

---

Heimildir

• Samantekt: Víglundur Þór Þorsteinsson.
• Íslendingabók.is.
• Prestþjónustubækur.