Sigurína Katrín Brynjólfsdóttir

Sigurína Katrín Brynjólfsdóttir húsfreyja á Látrum fæddist f. 7. maí 1884 í Grindavíkursókn og lést 26. desember 1922, eftir síðust fæðingu.
Faðir hennar var Brynjólfur bóndi á Þúfu á Landi, síðast á Vigdísarvöllum í Krýsuvík, f. 2. desember 1828 á Heiði á Rangárvöllum, d. 14. febrúar 1896 á Vigdísarvöllum, Jónsson bónda á Heiði á Rangárvöllum 1821-1836 og í Svínhaga þar 1836-1871, f. 18. nóvember 1797 í Teigi í Fljótshlíð, d. 14. febrúar 1872, Þórðarsonar bónda í Teigi, en lengst í Svínhaga á Rangárvöllum 1813-1836, f. 1764 á Rauðnefsstöðum á Rangárvöllum, skírður 14. október, d. 2. ágúst 1843 í Svínhaga, Nikulássonar, og konu Þórðar í Svínhaga, Rannveigar húsfreyju, f. 1774, d. 12. ágúst 1843, (systur sr. Jóns á Bægisá) Þorláksdóttur.
Móðir Brynjólfs á Vigdísarvöllum og kona Jóns á Heiði (17. október 1820) var Valgerður húsfreyja, f. 25. apríl 1797, d. 19. október 1878, Brynjólfsdóttir bónda á Árbæ og Vestri-Kirkjubæ á Rangárvöllum, f. 23. júní 1759 á Heiði, d. 24. desember 1841 á Keldum, Stefánssonar og konu Brynjólfs á Árbæ, (10. júní 1788), Helgu húsfreyju, yfirsetukonu og móður amk. 19 barna, f. 1766 í Móeiðarhvolshjáleigu í Oddasókn, skírð 20. ágúst, d. 16. apríl 1841, Jónsdóttur.

Móðir Sigurínu Katrínar og síðari kona Brynjólfs var Kristín húsfreyja á Vigdísarvöllum 1890, f. 15. október 1844, d. 3. janúar 1914, Sigurðardóttir bónda í Hallskoti í Fljótshlíð 1845, síðar í Kotmúla þar, f. 20. október 1816 í Gíslakoti undir Eyjafjöllum, d. 21. júní 1883, Valtýssonar bónda í Gíslakoti undir Eyjafjöllum 1816, í Hallskoti 1835, f. 1776 í Drangshlíð þar, d. 14. maí 1856, Brandssonar, og konu Valtýs, Katrínar húsfreyja, f. 3. janúar 1780 í Syðra-Hólakoti undir Eyjafjöllum, d. 9. nóvember 1853, Sigurðardóttur.
Móðir Kristínar á Vigdísarvöllum og kona Sigurðar Valtýssonar var Guðrún húsfreyja, f. 10. febrúar 1817, d. 14. apríl 1896, Þorvarðardóttir bónda í Kotmúla, f. í Kollabæ í Fljótshlíð, skírður 11. ágúst 1777, d. 30. janúar 1845, Sveinssonar, og konu Þorvarðar, Kristínar húsfreyju, f. 1780 í Eyjum, d. 30. september 1852, Þorsteinsdóttur.

Maður Sigurínu Katrínar, (1909), var Friðrik Jónsson útvegsbóndi á Látrum, f. 7. desember 1868, d. 29. október 1940.
Börn Sigurínu Katrínar og Friðriks:
1. Brynjólfur Kristinn, f. 2. júlí 1911, d. 1. apríl 1984.
2. Guðjón, f. 31. ágúst 1912, d. 30. mars 1932.
3. Ármann, f. 21. nóvember 1914, d. 11. nóvember 1989.
4. Klara Friðriksdóttir húsfreyja á Látrum, f. 26. september 1916, d. 30. desember 2008.
5. Ólafía, f. 26. september 1916, d. 22. desember 1993.
6. Sigurína, f. 22. desember 1922, d. 22. ágúst 2010. Hún ólst upp hjá bróður Friðriks á Látrum, Árna Jónssyni í Görðum og konu hans Kristínu Ögmundsdóttur.

---

Heimildir

• Samantekt: Víglundur Þór Þorsteinsson.
• Heimaslóð.
• Landmannabók – Landsveit. Valgeir Sigurðsson, Ragnar Böðvarsson og fleiri. Rangárþing ytra, Hellu 2003.
• Rangvellingabók. Valgeir Sigurðsson. Rangárvallahreppur, Hellu 1982.
• Manntöl.
• Íslendingabók.is.