Rósa Sveinsdóttir
Rósa Sveinsdóttir frá Bessastíg 12, húsfreyja, skrifstofumaður fæddist 26. september 1963.
Foreldrar hennar eru Sveinn Sigurðsson frá Sveinsstöðum við Njarðarstíg, bifreiðastjóri, f. 31. maí 1928, og kona hans Haflína Ásta Ólafsdóttir frá Sauðanesi við Siglufjörð, húsfreyja, f. 8. ágúst 1932, d. 27. janúar 2024.
Börn Ástu og Sveins:
1. Ólrikka Sveinsdóttir húsfreyja, vinnur við þvotta, f. 20. september 1950 á Ásavegi 7. Maður hennar Þórólfur Þorsteinsson.
2. Drengur, f. 14. apríl 1952, d. 14. apríl 1952.
3. Sigurður Sveinsson sjómaður, netagerðarmaður, f. 17. júní 1953 að Ásavegi 7. Kona hans Þóra Ólafsdóttir.
4. Þór Jakob Sveinsson vinnuvélastjóri í Reykjavík, býr nú á Selfossi, f. 8. nóvember 1956 á Bessastíg 12. Kona hans Helga Ágústsdóttir.
5. Rósa Sveinsdóttir húsfreyja, skrifstofumaður, f. 26. september 1963. Maður hennar Guðni Hjörleifsson.
6. Jóna Sveinsdóttir, f. 21. júlí 1975. Sambúðarmaður Hilmar Ögmundsson.
Rósa var með foreldrum sínum í æsku.
Hún nam í Framhaldsskólanum í Eyjum, en lauk stúdentsprófi í Verslunarskóla Íslands 2012.
Hún hefur verið fiskverkakona, unnið við ræstingar á Sjúkrahúsinu, verið skrifstofumaður hjá VÍS og á Skattstofunni.
Hún rak kvikmyndahús með Guðna í Höllinni og Félagsheimilinu við Heiðarveg 1989-2000.
Þau Guðni giftu sig 1986, eignuðust þrjú börn. Þau bjuggu í fyrstu við Kirkjubæjarbraut 9, á æskuheimili Guðna, búa nú við Bessahraun 1b.
I. Maður Rósu, (24. maí 1986), er Guðni Hjörleifsson netagerðarmeistari, f. 8. nóvember 1957.
Börn þeirra:
1. Ásta Björk Guðnadóttir leikskólakennari, f. 5. mars 1986. Fyrrum sambúðarmaður Rúnar Freyr Guðmundsson. Maður hennar Magnús Kristleifur Magnússon.
2. Hjörleifur Guðnason tölvufræðingur, f. 1. september 1988. Unnusta hans Heiður Embla Elfarsdóttir.
3. Víðir Þór Guðnason pípulagningamaður, f. 3. ágúst 1994.
Heimildir
- Samantekt: Víglundur Þór Þorsteinsson.
- Íslendingabók.
- Prestþjónustubækur.
- Rósa og Guðni.
Þessi grein tilheyrir Æviskrám Eyjafólks eftir Víglund Þór Þorsteinsson.