Ásta Ólafsdóttir (Höfðavegi 27)
Haflína Ásta Ólafsdóttir frá Sauðanesi við Siglufjörð, húsfreyja fæddist 8. ágúst 1932 á Siglufirði og lést 27. janúar 2024.
Foreldrar hennar voru Ólafur Steingrímur Eiríksson frá Hóli í Ólafsfirði, verkamaður þá til heimilis á Hlíðarvegi 15C á Siglufirði, f. 24. júní 1897, d. 16. desember 1985, og kona hans Friðrika Jónasína Margrét Björnsdóttir frá Sigríðarstöðum í Fljótum í Skagafirði, húsfreyja, f. 14. september 1900 í Borgargerði þar, d. 3. febrúar 1990.
Fósturforeldrar frá 4-5 ára aldri voru vitavarðarhjónin á Sauðanesi við Siglufjörð, Jón Helgason, f. 25. apríl 1896 í Mjóafirði eystra, d. 11. febrúar 1970, og Jóna Sigurborg Jónsdóttir, f. 5. janúar 1903 á Grund í Mjóafirði eystra, d. 2. maí 1996.
Ásta var með foreldrum sínum til átta ára aldurs, en fór þá í fóstur að Sauðanesi til Jónínu Jónsdóttur og Jóns Helgasonar.
Hún kom til Eyja 15 ára gömul, var í vist hjá Sigurjóni Högnasyni í eitt ár, vann við fiskvinnslu í hléum fram að Gosi 1973. Þá vann hún í eldhúsi Landspítalans. Eftir heimkomu 1974 varð hún starfsmaður á Sjúkrahúsinu.
Þau Sveinn giftu sig 1950, eignuðust sex börn, en misstu annað barn sitt nýfætt. Þau bjuggu á Ásavegi 7 og Bessastíg 12 og á Höfðavegi 27.
Ásta lést 2024.
I. Maður Ástu, (20. desember 1950), er Sveinn Sigurðsson bifreiðastjóri, f. 31. maí 1928 á Sveinsstöðum.
Börn þeirra:
1. Ólrikka Sveinsdóttir húsfreyja, vinnur við þvotta, f. 20. september 1950 á Ásavegi 7. Maður hennar Þórólfur Þorsteinsson.
2. Drengur, f. 14. apríl 1952, d. 14. apríl 1952.
3. Sigurður Sveinsson sjómaður, netagerðarmaður, f. 17. júní 1953 að Ásavegi 7. Kona hans Þóra Ólafsdóttir.
4. Þór Jakob Sveinsson vinnuvélastjóri í Reykjavík, býr nú á Selfossi, f. 8. nóvember 1956 á Bessastíg 12. Kona hans Helga Þuríður Ágústsdóttir.
5. Rósa Sveinsdóttir húsfreyja, skrifstofumaður, f. 26. september 1963. Maður hennar Guðni Hjörleifsson.
6. Jóna Sveinsdóttir, f. 21. júlí 1975. Sambúðarmaður Hilmar Ögmundsson.
Heimildir
- Samantekt: Víglundur Þór Þorsteinsson.
- Ásta.
- Íslendingabók.
- Morgunblaðið 2. febrúar 2024. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.