Engilbert Gíslason (yngri)
Engilbert Gíslason yngri, framkvæmdastjóri í Garðabæ fæddist 15. febrúar 1951.
Foreldrar hans voru Gísli Engilbertsson málarameistari, f. 28. apríl 1919, d. 2. mars 2002, og kona hans Elín Loftsdóttir húsfreyja, verslunarmaður, f. 5. mars 1922, d. 22. janúar 2005.
Engilbert lauk 4. bekkjar gagnfræðaprófi í Gagnfræðaskólanum í Eyjum 1968, lærði verslunarfræði í Bretlandi í 2 ár.
Þau Bryndís keyptu verslunina í Geysi við Skólaveg, nefndu hana Kostakjör og ráku til 1987. Hann varð umboðsmaður fyrir Ferðaskrifstofuna Atlantik og markaðsstjóri hennar.
Þau stofnuðu innflutningsfyrirtækið Arnarberg, fluttu inn ræstingavörur, síðan fékk hann umboð fyrir Nordpost.
Engilbert varð framkvæmdastjóri Ossfellowhússins í Rvk og vann þar til starfsloka 67 ára.
Þau Bryndís Pálína giftu sig 1971, eignuðust fjögur börn. Þau bjuggu við Höfðaveg 51.
I. Kona Engilberts, (3. júlí 1971), er Bryndís Pálína Hrólfsdóttir húsfreyja, f. 27. ágúst 1952.
Börn þeirra:
1. Ólöf Engilbertsdóttir, starfar við fjármál hjá IKEA, f. 11. nóvember 1973. Maður hennar Sigurður Kristinsson.
2. Elín Engilbertsdóttir, skrifstofumaður, f. 19. júní 1975. Maður hennar Tómas Högni Unnsteinsson.
3. Kristín Engilbertsdóttir, öryrki, f. 13. nóvember 1979.
4. Ragna Engilbertsdóttir, ferðamálafræðingur, f. 11. júlí 1981. Fyrrum maður hennar Jakob Guðlaugsson. Fyrrum maður hennar Guðmundur Karl Karlsson, Sambúðarmaður hennar Finnur Andrésson.
Heimildir
- Samantekt: Víglundur Þór Þorsteinsson.
- Engilbert.
- Íslendingabók.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.