Jóhann Kristinsson (Löndum)
Jóhann Kristinsson skrifstofumaður, verslunarmaður í Reykjavík fæddist 9. janúar 1913 á Löndum og lést 13. október 1985.
Foreldrar hans voru Kristinn Ástgeirsson frá Miðhúsum, sjómaður, f. 6. ágúst 1894, d. 31. júlí 1981, og barnsmóðir hans Oktavía Þórunn Jóhannsdóttir, síðar húsfreyja á Löndum, f. 23. október 1884 á Efri-Hömrum í Holtum, Rang., d. 9. desember 1968.
Jóhann varð skrifstofumaður og verslunarmaður í Reykjavík.
Þau Sigríður giftu sig 1947, eignuðust tvö börn.
Jóhann lést 1985 og Sigríður 2010.
I. Kona Jóhanns, (11. janúar 1947), var Sigríður Hildur Þórðardóttir kennari, f. 2. maí 1920 í Reykjavík, d. 6. mars 2010. Foreldrar hennar voru Þórður Þórðarson verkstjóri frá Brennu á Eyrarbakka, f. 21. janúar 1874, d. 18. október 1920, og kona hans Guðrún Ingunn Sigurðardóttir húsfreyja frá Neistakoti á Eyrarbakka, f. 29. nóvember 1879, d. 20. september 1948.
Börn þeirra:
1. Guðlaug Ingunn Jóhannsdóttir læknir í Svíþjóð, f. 6. mars 1949. Maður hennar Mats Evert Hjelte verkfræðingur.
2. Jóhann Guðmundur Jóhannsson tónfræðingur, eðlisfræðingur, f. 9. maí 1955.
Heimildir
- Samantekt: Víglundur Þór Þorsteinsson.
- Íslendingabók.
- Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.