Ásta Traustadóttir (Hásteinsvegi 9)
Ásta Traustadóttir húsfreyja, viðurkenndur bókari fæddist 26. október 1950 á Hásteinsvegi 9.
Foreldrar hennar voru Trausti Jónsson frá Mörk við Hásteinsveg, verslunarmaður, bifreiðastjóri, útgerðarmaður, kirkjugarðsvörður, f. 11. janúar 1917, d. 2. janúar 1994, og kona hans Ágústa Haraldsdóttir frá Garðshorni, húsfreyja, f. 14. ágúst 1919, d. 27. desember 1989.
Börn Ágústu og Trausta:
1. Haraldur Traustason skipstjóri, útgerðarmaður, f. 22. nóvember 1939 í Garðshorni, d. 13. júní 1993. Kona hans er Edda Tegeder.
2. Jón Steinar Traustason, f. 3. desember 1941 á Hásteinsvegi 9, d. 24. febrúar 2018, ókv., barnlaus.
3. Ágústa Traustadóttir húsfreyja, f. 12. febrúar 1943 á Hásteinsvegi 9. Maður hennar Guðmundur Birnir Sigurgeirson.
4. Brynja Traustadóttir húsfreyja, f. 27. ágúst 1944 á Hásteinsvegi 9. Maður hennar, (skildu), Sigurður Hafsteinsson.
5. Óli Ísfeld Traustason, f. 6. október 1945 á Hásteinsvegi 9. Hann býr í Bandaríkjunum. Kona hans Bonnie Harvey.
6. Steinunn Traustadóttir húsfreyja, f. 14. desember 1948 á Hásteinsvegi 9. Fyrrum maður hennar Skarphéðinn H. Einarsson.
7. Ásta Traustadóttir húsfreyja, viðurkenndur bókari, f. 26. október 1950 á Hásteinsvegi 9. Maður hennar Sigurður Weihe Stefánsson.
8. Trausti Ágúst Traustason, f. 19. mars 1952 á Sjúkrahúsinu, d. 31. október 1969.
Ásta var með foreldrum sínum.
Hún varð 4. bekkjar gagnfræðingur í Gagnfræðaskólanum 1967, sótti bókaranámskeið í Háskólanum í Reykjavík og varð viðurkenndur bókari 2005. Hún stundaði endurmenntun í rekstrar- og viðskiptanámi í Háskóla Íslands 2008-2009.
Ásta var bókari, síðast í Læknastöðinni í Glæsibæ í 9 ár.
Þau Sigurður giftu sig 1969, eignuðust eitt barn. Þau fluttu úr Eyjum 1989, búa nú í Fálkahlíð 3.
I. Maður Ástu, (26. október 1969), er Sigurður Weihe Stefánsson rafvirki, f. 23. maí 1949.
Barn þeirra:
1. Elísabet Sigurðardóttir grunnskólakennari, f. 16. júlí 1969. Fyrrum maður hennar Einar Bergsson.
Heimildir
- Samantekt: Víglundur Þór Þorsteinsson.
- Íslendingabók.
- Prestþjónustubækur.
- Rafvirkjatal. Ritstjóri: Þorsteinn Jónsson, Gunnar Guðmundsson og fleiri. Þjóðsaga hf. 1995.
Þessi grein tilheyrir Æviskrám Eyjafólks eftir Víglund Þór Þorsteinsson.