Jónatan Árnason (Brimhólum)
Jónatan Árnason frá Eyri á Flateyjardal, S.-Þing., bóndi, sjómaður, verkamaður fæddist 4. júní 1914 og lést 23. maí 1964.
Foreldrar hans voru Árni Tómasson bóndi á Kussungsstöðum í Fjörðum og Eyri á Flateyjardal, f. 5. janúar 1869, d. 5. apríl 1958, og kona hans Jóhanna Jónsdóttir húsfreyja, f. 4. júní 1877, d. 24. ágúst 1952.
Jónatan var með foreldrum sínum í æsku, á Eyri í Flateyjardal, S.-Þing. 1920 og 1930, var bóndi og sjómaður á Knarrarbergi í Flatey á Skjálfanda 1945-1956.
Hann var síðar verkamaður í Eyjum.
Þau Þorgerður giftu sig 1945, eignuðust fimm börn. Þau bjuggu á Knarrarbergi í Flatey á Skjálfanda 1945-1956, en fluttu þá til Eyja. Þau eignuðust Brimhóla og bjuggu þar.
Jónatan lést 1964.
Þorgerður bjó með Birni syni sínum í Bjarmahlíð við Brekastíg 26
Hún flutti til Reykjavíkur við Gosið 1973, bjó með Birni syni sínum. Hún dvaldi að síðustu á Grund í Reykjavík.
Hún lést 1998.
I. Kona Jónatans, (6. júní 1945), var Þorgerður Gísladóttir frá Prestahvammi í Aðaldal, S.-Þing., húsfreyja, f. þar 6. nóvember 1909, d. 20. júlí 1998.
Börn þeirra:
1. Tómas Baldur Jónatansson, f, 18. ágúst 1945, d. 15. október 1950.
2. Björn Jónatansson f. 21. júlí 1947.
3. Gísli Jóhannes Jónatansson, á Fáskrúðsfirði f. 5. september 1948. Kona hans Sigrún Guðlaugsdóttir.
4. Jóhanna Helga Jónatansdóttir, f. 21. desember 1950, d. 5. nóvember 1955.
5. Guðlaug Elísabet Jónatansdóttir, f. 23. desember 1950.
Heimildir
- Samantekt: Víglundur Þór Þorsteinsson.
- Íslendingabók.
- Manntöl.
- Morgunblaðið 30. júlí 1998. Minning Þorgerðar.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.