Ágúst Óskarsson (vélstjóri)
Ágúst Pálmar Óskarsson vélstjóri fæddist 12. desember 1939 í Varmahlíð við Vesturveg 18.
Foreldrar hans voru Valtýr Óskar Ólafsson frá Garðstöðum, skipstjóri, f. 11. ágúst 1914, d. 24. febrúar 1983, og kona hans Rut Ágústsdóttir frá Varmahlíð, húsfreyja, f. 13. september 1920, d. 13. september 1989.
Börn Rutar og Óskars:
1. Ágúst Pálmar Óskarsson, f. 12. desember 1939 í Varmahlíð.
2. Ólöf Auðbjörg Óskarsdóttir, f. 28. júlí 1941 á Heimagötu 30.
3. Eyrún Edda Óskarsdóttir, f. 2. október 1942 á Heimagötu 30.
4. Eygló Óskarsdóttir, f. 3. ágúst 1953 að Sólhlíð 5.
Ágúst var með foreldrum sínum, í Varmahlíð, á Heimagötu 30 og í Sólhlíð 5.
Hann lauk vélstjóranámi 1960.
Ágúst var 2. vélstjóri á Sigurfara, síðan stýrimaður þar í 3 ár á undanþágu. Hann slasaðist og varð að hætta sjómennsku, var húsvörður í Fiskiðjunni 1966, síðan vélamaður þar og í Vinnslustöðinni eftir sameininguna 1992. Síðan vann hann í
Lifrarsamlaginu í 3 ár og fór þá aftur að vinna í Vinnslustöðinni, vélamaður og síðan bílstjóri þar til 69 ára aldurs.
Þau Oddfríður giftu sig, eignuðust þrjú börn. Þau bjuggu við Ásaveg 30, við Bröttugötu 45 og búa nú við Litlagerði 17.
I. Kona Ágústs, (3. júní 1961), er Oddfríður Jóna Guðjónsdóttir frá Dölum, húsfreyja, skólaliði, f. 22. maí 1942.
Börn þeirra:
1. Helga Ágústsdóttir skólaliði, f. 21. janúar 1961. Maður hennar Þór Jakob Sveinsson Sigurðssonar.
2. Rut Ágústsdóttir stuðningsfulltrúi, f. 21. desember 1962. Maður hennar Jakob Jónatan Möller.
3. Fríða Jóna Ágústsdóttir skrifstofumaður, f. 14. júlí 1966. Maður hennar Sæmundur Vilhjálmsson.
Heimildir
- Samantekt: Víglundur Þór Þorsteinsson.
- Ágúst og Oddfríður.
- Íbúaskrá Vestmannaeyja 1972.
- Íslendingabók.
- Prestþjónustubækur.
- Þjóðskrá 1986.
Þessi grein tilheyrir Æviskrám Eyjafólks eftir Víglund Þór Þorsteinsson.