Helga Guðrún Einarsdóttir
Helga Guðrún Einarsdóttir frá Reynistað við Vesturveg 9a, húsfreyja, hárgreiðslumeistari, verslunarmaður fæddist þar 15. febrúar 1931 og lést 10. ágúst 2014.
Foreldrar hennar voru Einar Marinó Steingrímsson úr Eyjafirði, sjómaður, verkamaður, f. 26. janúar 1903, d. 7. apríl 1970, og kona hans Ágústa Olga Þorkelsdóttir frá Reynistað, f. 25. ágúst 1909 á Vegamótum við Urðaveg 4, d. 14. nóvember 2003 í Hafnarfirði.
Börn Ágústu Olgu og Einars Marinós:
1. Helga Guðrún Einarsdóttir húsfreyja, hárgreiðslumeistari, verslunarmaður, f. á Reynistað 15. febrúar 1931, d. 10. ágúst 2014. Maður hennar var Gísli Árnason, f. 13. október 1928, d. 27. janúar 1998.
2. Laufey Hrefna Einarsdóttir húsfreyja, f. 7. janúar 1938. Maður hennar er Jóhann Guðmundsson, f. 14. nóvember 1936, d. 4. júlí 2021.
Helga var með foreldrum sínum, á Reynistað og flutti með þeim til Reykjavíkur 1937, var með þeim í Norðurmýri og Reykjahlíð 10.
Hún lærði hárgreiðslu og fékk meistararéttindi í iðninni.
Helga var verslunarmaður hjá SS í Austurveri og síðar í Glæsibæ. Hún vann einnig í verslun í Garðabæ.
Þau Gísli giftu sig 1954, eignuðust eitt barn. Þau bjuggu í Hlíðunum, fluttu í Stóragerði 1961, síðar í Holtsbúð 75 í Garðabæ og síðast á hjúkrunarheimilið Ísafold í Garðabæ.
Gísli lést 1998 og Helga 2014.
I. Maður Helgu, (13. júní 1954), var Gísli Árnason úr Reykjavík, vélgæslumaður, síðar leiksviðsmaður í Þjóðleikshúsinu, f. 13. október 1928, d. 27. janúar 1998. Foreldrar hans voru Árni Gíslason frá Miðdal í Mosfellssveit, f. 7. október 1888, d. 11. febrúar 1938, og kona hans Guðrún P. Magnúsdóttir frá Ásláksstöðum á Vatnsleysuströnd, Gull., húsfreyja, f. 16. febrúar 1899, d. 17. júní 1984.
Barn þeirra:
1. Einar Olgeir Gíslason, f. 7. febrúar 1955 í Reykjavík. Kona hans er Hanna Ólafsdóttir.
Heimildir
- Samantekt: Víglundur Þór Þorsteinsson.
- Íslendingabók.
- Morgunblaðið 19. ágúst 2014. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.