Sigurður Pétur Guðnason (kennari)
Sigurður Pétur Guðnason frá Helgafellsbraut 8, rafvélavirkjameistari, framhaldsskólakennari fæddist þar 3. maí 1946.
Foreldrar hans voru Guðni Dagur Kristjánsson bakarameistari, f. 20. ágúst 1918 á Kroppsstöðum í Skálavík, d. 12. nóvember 1972, og kona hans Stefanía Sigurðardóttir frá Skuld, húsfreyja, verslunarmaður, aðstoðarmaður tannlæknis, f. þar 2. júní 1921, d. 18. júlí 2004.
Börn Stefaníu og Guðna:
1. Jónína Guðnadóttir leirlistakona, f. 16. september 1943 í Reykjavík. Barnsfaðir hennar Harald Gudberg Haraldsson. Maður hennar Kristján Henriksson Linnet.
2. Sigurður Pétur Guðnason framhaldsskólakennari, f. 3. maí 1946 í Eyjum. Kona hans Edda Ingvarsdóttir.
3. Kristján Pétur Guðnason ljósmyndari, f. 21. október 1949 á Akranesi. Kona hans Sigríður Árnadóttir.
Sigurður var með foreldrum sínum.
Hann lauk námi í Gagnfræðaskólanum á Akranesi 1863, námi í rafvélavirkjun í Iðnskólanum í Reykjavík 1968, fékk meistarabréf 1971, landslöggildingu 1975.
Sigurður var stundakennari við Iðnskólann í Reykjavík 1975-1976, kennari þar frá 1976-2012. Hann vann hjá I. B. M. 1972-1976.
Þau Edda giftu sig 1966, eignuðust þrjú börn.
I. Kona Sigurðar Péturs, (15. október 1966), er Edda Ingvarsdóttir húsfreyja, bókavörður, f. 30. nóvember 1945. Foreldrar hennar voru Ingvar Ragnarsson útgerðarmaður í Stykkishólmi, f. 3. september 1924, d. 25. maí 1996, og kona hans Guðbjörg Árnadóttir frá Hellnafelli í Grundarfirði, húsfreyja, f. 13. mars 1925, d. 20. júlí 2021.
Börn þeirra:
1. Ingvar Sigurðsson matreiðslumeistari, f. 28. ágúst 1966. Kona hans Sigrún Jónsdóttir.
2. Björn Sigurðsson markaðsfræðingur, f. 11. júlí 1968. Kona hans Aðalbjörg Óladóttir.
3. Hlynur Sigurðsson stjórnmálafræðingur, rekur bílasölu og framleiðslufyrirtækið Skot, f. 8. júní 1975. Kona hans Áslaug Þorbjörg Guðjónsdóttir.
Heimildir
- Samantekt: Víglundur Þór Þorsteinsson.
- Edda og Sigurður.
- Íslendingabók.
- Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.