Guðjón Hjörleifsson
Guðjón Hjörleifsson er fæddur 18. júní 1955. Foreldrar hans eru Hjörleifur Guðnason múrarameistari og Inga Jóhanna Halldórsdóttir. Eiginkona Guðjóns frá árinu 1979 er Rósa Elísabet Guðjónsdóttir og eiga þau 4 börn; Sæþór Orra, Silju Rós, Söru Dögg og Sindra Frey.
I. Kona Guðjóns, (16. júní 1979), er Rósa Elísabet Guðjónsdóttir.
Börn þeirra:
1. Sæþór Orri Guðjónsson markaðshagfræðingur, f. 27. nóvember 1979. Kona hans Karen Inga Ólafsdóttir.
2. Silja Rós Guðjónsdóttir félagsráðgjafi, f. 24. júlí 1987. Sambúðarmaður hennar Gústaf Kristjánsson.
3. Sara Dögg Guðjónsdóttir innanhússhönnuður, f. 9. desember 1990. Sambúðarmaður hennar Hjálmar Ragnar Agnarsson.
4. Sindri Freyr Guðjónsson viðskiptafræðingur, f. 21. júlí 1994. Sambúðarkona hans Hanna Liv Atladóttir.
Nám og störf
Guðjón hóf nám á verslunarbraut árið 1973 og var starfsmaður Verslunar Gunnars Ólafssonar & Co. hf. frá 1973 til 1975. Hann var starfsmaður Sparisjóðs Vestmannaeyja 1975, fyrst sem gjaldkeri en síðan ráðinn sem skrifstofustjóri þar og var hann þar til ársins 1990 er hann var ráðinn bæjarstjóri í Vestmannaeyjum. Var bæjarstjóri í Vestmannaeyjum frá árinu 1990 til ársins 2002. Á árunum 2002-2003 starfaði Guðjón sem útibússtjóri Sjóvár Almennra hf. í Vestmannaeyjum.
Guðjón sat í stjórn Eyverja í 11 ár og var í eitt ár formaður félagsins. Hann sat í stjórn kjördæmisráðs Sjálfstæðisflokksins í Suðurlandskjördæmi. Þá var Guðjón einn stofnanda ungtemplarafélagsins Flakkarans í Vestmannaeyjum ásamt því að vera formaður Nemendafélagsins í Gagnfræðaskóla Vestmannaeyja. Guðjón sat um tíma í stjórn Íþróttafélagsins Þórs.
Alþingisstörf
Frá 2003 hefur Guðjón setið á Alþingi sem 5. þingmaður Suðurkjördæmis fyrir Sjálfstæðisflokkinn. Á Alþingi hefur Guðjón átt sæti í eftirfarandi nefndum:
- Sjávarútvegsnefnd, frá 2004 (formaður)
- Félagsmálanefnd, frá 2003
- Menntamálanefnd, 2003-2004
- Samgöngunefnd, frá 2003
- Íslandsnefnd VES-þingsins, frá 2003
Guðjón skipaði 7. sætið á framboðslista Sjálfstæðisflokksins í suðurkjördæmi fyrir alþingiskosningarnar 2007 og var varaþingmaður.
Heimildir
- Haraldur Guðnason. Við Ægisdyr: Saga Vestmannaeyjabæjar í 60 ár, II. bindi. Reykjavík, Vestmannaeyjabær, 1991.
- Vefur Alþingis