Freyja Kristófersdóttir (Bjarmahlíð)

Freyja Kristín Kristófersdóttir frá Bjarmahlíð við Brekastíg 26, húsfreyja fæddist 21. september 1924 á Oddsstöðum.
Foreldrar hennar voru Kristófer Guðjónsson frá Oddsstöðum, verslunarmaður, smiður, f. 27. maí 1900, d. 11. apríl 1981, og kona hans Þorkatla Bjarnadóttir frá Grindavík, húsfreyja, f. 25. febrúar 1893, d. 13. júlí 1975.

Börn Þorkötlu og Kristófers voru:
1. Guðlaugur Kristinn, f. 25. desember 1922, d. 24. júlí 2002.
2. Freyja, f. 21. september 1924.
3. Guðrún, f. 10. desember 1925, d. 7. janúar 2018.
4. Guðjón, f. 26. desember 1929, d. 9. apríl 1995.

Freyja var með foreldrum sínum í æsku.
Hún nam við Kvennaskólann á Blönduósi 1942-1943.
Þau Jóhann Frímann giftu sig 1945, eignuðust þrjú börn. Þau bjuggu um skeið í Eyjum. Þar fæddist Anna 1946, fluttu til Blönduóss. Þar fæddist Rúnar Þorkell 1947, þaðan aftur til Eyja, bjuggu í Bjarmahlíð 1949 og síðan til Reykjavíkur um 1960. Þar fæddist Hlynur 1968. Þau bjuggu síðast á Vesturbergi 52.
Jóhann Frímann lést 1997.
Freyja bjó á Lindargötu 66, en dvelur nú á Grund í Reykjavík.

I. Maður Freyju, (27. október 1945 á Blönduósi), var Jóhann Frímann Hannesson verkamaður, umsjónarmaður, skrifstofumaður, f. 18. maí 1924, d. 19. desember 1997.
Börn þeirra:
1. Anna Jóhannsdóttir húsfreyja, f. 14. mars 1946 í Bjarmahlíð við Brekastíg 26. Maður hennar Ragnar Þór Baldvinsson.
2. Rúnar Þorkell Jóhannsson bifvélavirki, f. 25. ágúst 1947 á Blönduósi, d. 18. júlí 2018. Barnsmóðir hans Ellý Pálsdóttir. Fyrrum kona hans Björg Guðmundsdóttir.
3. Hlynur Jóhannsson, rekur bílaleigu á Akureyri, f. 30. janúar 1968. Sambúðarkona hans Karen Ingimarsdóttir.

---

Heimildir

• Samantekt: Víglundur Þór Þorsteinsson.
• Íslendingabók.
• Morgunblaðið 4. janúar 1998. Minning Jóhanns Frímanns.
• Prestþjónustubækur.