Guðbjörg Jónsdóttir (Grímsstöðum)
Guðbjörg Jónsdóttir á Grímsstöðum, húsfreyja fæddist 2. júlí 1863 á Nesi í Aðaldal og lést 17. október 1947.
Foreldrar hennar voru Jón Bjarnason bóndi á Einarsstöðum í Kræklingahlíð, f. 20. júlí 1837, d. 9. september 1921, og kona hans Soffía Magnúsdóttir húsfreyja frá Klömbur í Aðaldal, f. 21. júlí 1842 d. 31. mars 1895.
Guðbjörg var vinnukona á Reyðarvatni á Rangárvöllum 1880.
Þau Þorsteinn giftu sig 1894, bjuggu í Vallarhjáleigu í Hvolhreppi til 1899, voru þá eitt ár á Stokkseyri, en síðan í vinnumennsku í Rangárþingi, bjuggu í Selshjáleigu 1910-1913, í Voðmúlstaða-Suðurhjáleigu (Bólstað) 1913-1923.
Þau fluttust til Eyja 1923, bjuggu fyrst í Nikhól, en síðan á Grímsstöðum.
Guðbjörg lést 1947 og Þorsteinn 1954.
Maður Guðbjargar, (6. nóvember 1894), var Þorsteinn Jónsson bóndi, síðar verkamaður í Eyjum, f. 2. október 1872 í Berjanesi í V-Landeyjum, d. 5. nóvember 1954.
Börn þeirra voru:
1. Þorsteinn Þorsteinsson útgerðarmaður, verkamaður í Lambhaga, f. 16. júní 1893, d. 14. september 1937.
2. Soffía Katrín Þorsteinsdóttir húsfreyja í Odda, f. 31. júlí 1895, d. 21. maí 1978.
3. Guðjón Þorsteinsson útgerðarmaður, verkamaður, f. 20. ágúst 1896, d. 20. júní 1935.
4. Guðrún Þorsteinsdóttir húsfreyja í Lambhaga, f. 14. ágúst 1899, d. 4. september 1982.
5. Haraldur Þorsteinsson verkamaður í Nikhól og á Grímsstöðum, f. 5. janúar 1902, d. 11. desember 1974.
6. Gissur Þorsteinsson kaupmaður, sölumaður, bóndi, f. 8. apríl 1903, d. 26. febrúar 1975.
Heimildir
- Samantekt: Víglundur Þór Þorsteinsson.
- Íslendingabók.is.
- Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.