Salbjörg Bjarnadóttir
Salbjörg Bjarnadóttir húsfreyja á Bergi fæddist 14. maí 1899 á Grund í Grundarfirði.
Foreldrar hennar voru Bjarni Bjarnason bóndi og smiður á Hellnafelli, f. 16. nóvember 1863, d. 13. júlí 1910, og kona hans Þorbjörg Stefanía Jakobsdóttir húsfreyja, f. 30. september 1878. d. 19. janúar 1947.
Salbjörg var með foreldrum sínum á Hellnafelli á Snæfellsnesi 1901 og 1910, var vinnukona í húsi Halldórs Kristinssonar í Hólshreppi í N-Ísafjarðarsýslu 1920.
Hún var á Vesturhúsum við fæðingu Hinriks 1927, en farin þaðan í lok ársins. Drengurinn líklega sá, sem var tökudrengur hjá Guðbjörgu Guðmundsdóttur og Guðmundi Jónssyni á Vesturhúsum 2 1927. Hún bjó með Haraldi Jónssyni á Bergi 1930, en finnst ekki síðan.
I. Sambýlismaður Salbjargar var Haraldur Jónsson sjómaður á Bergi, f. 18. nóvember 1899 á Gamla-Hrauni á Eyrarbakka, d. 20. febrúar 1962.
II. Barnsfaðir hennar var Guðmundur Júníus Jónsson frá Gamla-Hrauni, bróðir Haraldar og Þórðar á Bergi, f. 29. júní 1908, d. 22. ágúst 1972.
Barn þeirra var
1. Hinrik Guðmundsson, f. 10. janúar 1927 á Vesturhúsum. Hann var
fósturbarn hjá Þorbjörgu Stefaníu Jakobsdóttur í Tjarnarkoti á Kvíabryggju 1930. Hann lést 26. mars 1933.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.