Jóhanna Magnúsdóttir (Vilborgarstöðum)

Jóhanna Magnúsdóttir húsfreyja fæddist 13. febrúar 1850 í Oddasókn á Rangárvöllum og lést í Þingvallabyggð í Manitoba 14. október 1932.
Foreldrar hennar voru Magnús Pálsson bóndi á Vilborgarstöðum, f. 13. júlí 1816, d. 13. nóvember 1869, og kona hans Oddný Þórðardóttir húsfreyja, f. 1814, d. 1888.
Systkini Jóhönnu í Eyjum voru:
1. Sigurður Magnússon, f. 22. mars 1851, d. 2. júní 1879.
2. Oddný Magnúsdóttir húsfreyja og ljósmóðir, f. 21. ágúst 1854, d. 25. apríl 1932.

Jóhanna fluttist til Eyja 1851 með foreldrum sínum, var með þeim á Vilborgarstöðum í æsku, var léttastúlka í Juliushaab 1863 og 1864, vinnukona þar 1865 og 1866, var hjá foreldrum sínum 1867 og 1868. Hún var vinnukona í Garðinum 1869. Þar var Stefán Jóhannes vinnumaður.
Þau Stefán Jóhannes giftust 1871, eignuðust 2 börn í Eyjum, voru húsfólk hjá Oddnýju á Vilborgarstöðum.
Þau fóru til Kaupmannahafnar 1874 með Magnús og Steinunni ásamt Oddnýju móður Jóhönnu. Þau bjuggu þar í 5 ár, komu að Oddeyri á Akureyri 1879.
Tvö börn þeirra dóu á Akureyri.
1887 fluttust þau til Seyðisfjarðar. Jóhanna var þar við fæðingu Jóhannesar 1888.
Hún fluttist frá Vestdal í Seyðisfirði til Vesturheims 1888 með börnin Þorlák og Jóhannes. Í hópnum var Oddný móðir hennar og Oddný systir hennar og fjölskylda hennar. Steinunn fór frá Vestdalseyri sama ár. Stefán Jóhannes hafði farið Vestur 1887 frá Oddeyri.

I. Maður Jóhönnu, (14. maí 1871), var Stefán Jóhannes Þorláksson, f. 30. október 1844.
Börn þeirra hér:
1. Magnús Stefánsson, f. 25. febrúar 1872. Hann fór til Vesturheims frá Seyðisfirði samkvæmt skýrslum Akureyrarsóknar, en er ekki nefndur í Vesturfaraskrá.
2. Steinunn Stefánsdóttir, f. 2. desember 1873 á Vilborgarstöðum. Hún fór til Vesturheims frá Vestdalseyri við Seyðisfjörð 1888, bjó í Winnipeg, d. 5. febrúar 1973 í Oakview Place í Winnipeg. Maður hennar Jón Valdemar Magnússon
3. Karítas Stefánsdóttir, f. 1876, d. 29. júlí 1882 á Akureyri.
4. Fanney Stefánsdóttir, f. 10. september 1880, d. 18. apríl 1881 á Akureyri.
5. Þorlákur Stefánsson, f. 18. febrúar 1884. Hann fór til Vesturheims frá Vestdal í Seyðisfirði 1888.
6. Jóhannes Stefánsson, f. 27. júní 1888. Hann fór til Vesturheims frá Vestdal í Seyðisfirði 1888. Hann féll í styrjöldinni 2. júlí 1916

II. Maður Jóhönnu var Guðni Brynjólfsson, f. 27. febrúar 1856 í Kálfhaga í Sandvíkurhreppi, Árn., d. 16. ágúst 1950 í Winnipeg. Foreldrar hans voru Brynjólfur Bjarnason bóndi í Kálfhaga, á Svarfhóli í Hraungerðishreppi og á Reykjavelli (Laugardælahjáleigu) í Hraungerðishreppi, f. 7. desember 1813 á Hrepphólum í Hrunamannahreppi, d. 19. júlí 1888 í Halakoti í Hraungerðishreppi, og kona hans Ingibjörg Jónsdóttir húsfreyja, f. 1827 í Kaldrananeshreppi í Árn., d. 20. október 1909 í Reykjavík.

---

Heimildir

• Samantekt: Víglundur Þór Þorsteinsson.
• Magnús Haraldsson.
• Manntöl.
• Prestþjónustubækur.
• Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.