Ingvar Ólafsson (Steinsstöðum)

Ingvar Ólafsson bóndi á Steinsstöðum fæddist 15. júní 1827 og lést 13. janúar 1866.
Faðir hans var Ólafur bóndi í Steinmóðarbæ u. Eyjafjöllum, f. 1793, d. 8. júlí 1843, Ólafsson bónda á Kirkjulandi og Butru í A-Landeyjum, f. 1752, d. 1. júlí 1801, Jónssonar (ókunn ætt), en kona hans var Guðlaug, f. 1724, á lífi 1801, Þorsteinsdóttir.
Móðir Ólafs í Steinmóðarbæ og síðari kona Ólafs á Kirkjulandi var Ástríður húsfreyja, f. í Haukadal á Rangárvöllum, skírð 9. október 1761, Magnúsdóttir bónda í Haukadal, f. 1725, d. 12. maí 1804, Jónssonar, og konu Magnúsar, Helgu húsfreyju, f. 1725, d. 22. ágúst 1785, Erlendsdóttur.

Móðir Ingvars á Steinsstöðum og kona Ólafs í Steinmóðarbæ var Guðríður húsfreyju, f. 9. september 1794, d. 3. ágúst 1847, Ingvarsdóttir bónda og hreppstjóra að Þórunúpi í Hvolhreppi, í Vorsabæ í A-Landeyjum og Steinmóðarbæ u. Eyjafjöllum, f. 1763, d. 26. nóvember 1825, Ólafssonar bónda á Skíðbakka og Kirkjulandi í A-Landeyjum og síðast á Vestra-Fíflholti í V-Landeyjum, f. 1734, d. 1801, Ólafssonar, og fyrri konu Ólafs á Skíðbakka, Guðrúnar húsfreyju, f. 1737, d. 8. ágúst 1845 í Kaldaðarnessókn, Sigurðardóttur.
Móðir Guðríðar í Steinmóðarbæ og kona Ingvars var Þuríður húsfreyja, f. 1753, d. 1. ágúst 1814, Jónsdóttir bónda á Skeiði í Hvolhreppi, f. 1715, Pálssonar, og konu Jóns á Skeiði, Katrínar húsfreyju, f. 1719, d. 4. apríl 1782, Egilsdóttur.

Bróðir Ingvars á Steinsstöðum var Bjarni Ólafsson bóndi í Svaðkoti, f. 22. janúar 1836, drukknaði 16. júní 1883.

Ingvar var með foreldrum sínum í Steinmóðarbæ 1835 og 1840, með móður sinni og stjúpa, Þorsteini Ólafssyni, 1845, með stjúpföður sínum og konu hans þar 1850.
Hann var vinnumaður hjá sr. Brynjólfi og Ragnheiði húsfreyju í Nöjsomhed 1855, ókvæntur bóndi á Steinsstöðum með Kristínu bústýru, barninu Einari og Ástríði dóttur Kristínar við manntal 1860. Þau Kristín giftust á því ári.
Ingvar lést 1866.

Kona Ingvars, (26. október 1860), var Kristín Jónsdóttir húsfreyja á Steinsstöðum, síðar á Miðhúsum, f. 2. september 1832 á Norður-Hvoli í Mýrdal, d. 21. desember 1903 á Miðhúsum.
Kristín var fyrr gift Einari Guðmundssyni bónda á Steinsstöðum, f. 26. mars 1834, d. 27. maí 1858, hrapaði úr Hamrinum.

Börn Ingvars og Kristínar voru:
1. Einar Ingvarsson, f. 1859, d. 13. október 1865 „af tæringu og brjóstveiki“.
2. Ólafur Ingvarsson sjómaður og landverkamaður á Miðhúsum, f. 26. júlí 1862, d. 20. júní 1942. Kona hans (1905) var Valgerður Jónsdóttir frá Eystra-Fíflholti í V-Landeyjum, f. 1. febrúar 1864, d. 14. nóvember 1929.
3. Ingvar Einar Ingvarsson, f. 14. júlí 1866, d. 16. ágúst 1868, dó „úr tæringu“.
Stjúpbarn Ingvars var barn Kristínar frá fyrra hjónabandi
4. Ástríður Einarsdóttir húsfreyja á Löndum, f. 10. október 1857 í Eyjum, d. 20. júlí 1919, kona Sigurðar Jónssonar verkamanns á Löndum, f. 29. október 1859, d. 10. ágúst 1932.

---

Heimildir

• Samantekt: Víglundur Þór Þorsteinsson.
• Heimaslóð.is.
• Íslendingabók.is.
• Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
• Manntöl.
• Prestþjónustubækur.