„Guðni Grímsson (formaður)“: Munur á milli breytinga
Fara í flakk
Fara í leit
(Enginn munur)
| |
Útgáfa síðunnar 29. desember 2012 kl. 16:57
Sjá aðgreiningarsíðuna fyrir aðra sem hafa borið nafnið „Guðni Grímsson“
Guðni Grímsson fæddist 15. janúar 1904 og lést 9. maí 1996. Foreldrar hans voru Grímur Bjarnason, sjómaður á Stokkseyri, og Helga Þorsteinsdóttir. Þau bjuggu allan sinn búskap á Stokkseyri.
Guðni var kvæntur Lovísu Sigurðardóttur. Börn þeirra voru Kristín Inga f. 1928 d.1967 og Sigurður f.1931.
Þau bjuggu á Herjólfsgötu 14.
Hann var skipstjóri og útgerðarmaður með bátinn Maggý. Hann var skipstjóri frá 1928 til 1960 og hætti hann sjómennsku árið 1964. Frá því vann í landi við uppsetningu á veiðarfærum.
Óskar Kárason samdi formannavísu um Guðna:
- Guðna telja Gríms ég má
- græðir stundar téður,
- marinn þegar mylur sá,
- Maggý tíðum hleður.
Óskar samdi seinna aðra vísu um hann:
- Grímsson ég Guðna ríma
- greindan formanninn reyndan.
- Maggý er verjans vagga,
- víðir þá eikju hýðir.
- Fisk dregur mest án miska,
- marinn þó dekkið kari
- hríðar í hreggi stríðu,
- hræðist sízt skatinn græði
Myndir
Heimildir
- Guðmundur Jakobsson. Skipstjóra og stýrimannatal. Reykjavík: Ægisútgáfan, 1979.
- Óskar Kárason. Formannavísur. Vestmannaeyjum, 1950.
- Óskar Kárason. Formannavísur II. Vestmannaeyjum, 1956.