„Smári P. McCarthy“: Munur á milli breytinga

Smári flutti ásamt foreldrum til Englands eins árs. Þau fluttu svo til Vestmannaeyja þegar Smári var níu ára gamall og hóf hann nám við [[Barnaskóli Vestmannaeyja|Barnaskólann]]. Fljótlega skipti hann um skóla og fór í [[Hamarsskóli Vestmannaeyja|Hamarsskóla]]. Hann lauk grunnskólanámi frá Barnaskólanum og fór til náms í Reykjavík. Þar opnuðust honum möguleikar til að sameina vinnu og eitt helsta áhugamál sitt; tölvur. Vann hann við forritun hjá Þjóðskjalasafninu áður en hann kom aftur til Vestmannaeyja til að klára framhaldsskólanám. Smári útskrifaðist frá [[Framhaldsskólinn í Vestmannaeyjum|Framhaldsskólanum í Vestmannaeyjum]] árið 2004. Hann fékk sumarvinnu hjá [[Vestmannaeyjabær|Vestmannaeyjabæ]] og vann hjá bænum til sumarloka árið 2005. Stundar hann nú nám í stærðfræði við Háskóla Íslands og starfar hjá Íslenskri Erfðagreiningu.

Hjá Vestmannaeyjabæ vann hann fyrst um sinn við GPS-mælingar og alls konar tilfallandi verkefni. [[Frosti Gíslason]] ól með sér það hugarfóstur að koma á laggirnar menningarsöguvef um Vestmannaeyjar. Hjálpaði Smári honum með undirbúning vefsins og kom með þá tillögu að vefurinn yrði á Wiki-formi, þ.e.a.s. að innskráðir notendur geti breytt greinum og lagað. Vefurinn fór í fulla vinnslu í júní 2005 og fékk Smári í lið með sér hóp peyja sem voru allir af vilja gerðir til að setja þessa góðu hugmynd í framkvæmd. Fékk vefurinn nafnið Heimaslóð og vann hópurinn í honum þetta sumar. Síðan þá hefur vefurinn verið í stöðugri þróun og unnið að honum af öðrum starfsmönnum og íbúum Vestmannaeyja sem og brottfluttum Vestmannaeyingum.  

Smári er félagi í [[Round Table 11]].