Guðrún Hálfdanardóttir

Guðrún Hálfdánardóttir yfirsetukona var fædd að Eyvindarhólum u. Eyjafjöllum um 1746 og lézt að Ofanleiti í Eyjum 19. nóvember 1824.

Ætt og uppruni

Foreldrar hennar voru Hálfdán prestur í Eyvindarhólum, f. um 1713, d. 20. maí 1785, Gísla lögréttumanns í Stóru-Mörk Þorlákssonar og síðari konu Gísla, Ingveldar Einarsdóttur prests í Guttormshaga í Holtum Magnússonar. Móðir Guðrúnar yfirsetukonu og kona Hálfdánar var Margrét húsfreyja, f. um 1719, d. í september 1767, Jóns sýslumanns og klausturhaldara að Sólheimum í Mýrdal Þorsteinssonar og konu Jóns, Kristínar laundóttur Árna stúdents Hákonarsonar frá Vatnshorni í Haukadal í Dalasýslu.

Lífsferill

Guðrún nam ekki ljósmóðurfræði svo vitað sé, en gegndi ljósmóðurstörfum í Eyjum um margra ára skeið. Að tillögu landlæknis voru henni árið 1820 greiddir 4 ríkisdalir og 46 skildingar sem umbun fyrir þau störf.

Maki I (1774): Páll Magnússon (prestur) að Ofanleiti, f. 1743, d. 24. maí 1789, sonur Magnúsar bónda í Berjanesi í Landeyjum Magnússonar og konu Magnúsar bónda, Ingibjargar Pálsdóttur frá Steinsmýri í V-Skaft. Þorsteinssonar.

Börn þeirra Páls voru:

1. Grímur faktor í Kornhól í Eyjum 1816, síðar prófastur að Helgafelli á Snæfellsnesi, f. 1775, d. 28. marz 1853, kvæntur fyrr (skildu) Sólveigu húsfreyju dóttur Eyjólfs hreppstjóra á Kröggólfsstöðum, síðar Þórunni Ásgrímsdóttur prests að Laugabrekku á Snæfellsnesi.
2. Margrét húsfreyja á Staðastað á Snæfellsnesi, f. um 1780, d. 9. febrúar 1821, gift Guðmundi Jónssyni prófasti þar.
3. Ingibjörg húsfreyja að Arnarbæli í Ölfusi, f. 22. febrúar 1788, d. 28. maí 1866, gift Jóni Matthíassyni presti þar.
   

Maki II (1. ágúst 1791): Jón Högnason prestur að Ofanleiti, f. 3. september 1764, d. 12. október 1825, Högna lögréttumanns í Skógum u. Eyjafjöllum, Benediktssonar og konu Högna, Guðnýjar Jónsdóttur lögréttumanns í Selkoti, Ísleifssonar.
Börn: Tvö börn, sem dóu ung.

Meðal niðja þeirra Guðrúnar og Páls voru:

1. Jóhanna Eyþórsdóttir húsfreyja, kona Gunnars Ólafssonar alþingismanns, kaupmanns og útgerðarmanns.
2. Sigríður Eyþórsdóttir húsfreyja, kona Ólafs Arinbjarnarsonar verzlunarstjóra, foreldra
3. Kristins bæjarstjóra í Eyjum, bæjarfógeta í Neskaupstað og fulltrúa sýslumanns í Eyjum og Hafnarfirði og
4. Jóhanns Gunnars bæjarstjóra í Eyjum og sýslumanns og bæjarfógeta á Ísafirði.
5. Ingibjörg Rannveig Theodórsdóttir Matthiesen kaupkona í Eyjum, gift Jóni Hinrikssyni kaupfélagsstjóra. Börn þeirra voru:
6. Hinrik G. Jónsson bæjarstjóri, síðar bæjarfógeti í Neskaupstað og síðast sýslumaður í Snæfells-og Hnappadalssýslu og
7. Sigurlaug húsfreyja í Geysi, kona Guðlaugs Gíslasonar bæjarstjóra og alþingismanns.
8. Halldór Kolbeins prestur og systir hans
9. Þórunn kona Sigurjóns Árnasonar prests.

---

Heimildir

• Upphaflega grein skrifaði Víglundur Þór Þorsteinsson.
• Einar Bjarnason: Lögréttumannatal. Reykjavík: Sögufélagið, 1952-1955.
• Ljósmæður á Íslandi. Reykjavík: Ljósmæðrafélag Íslands, 1984.
• Páll Eggert Ólason: Íslenzkar æviskrár. Reykjavík: Hið íslenzka bókmenntafélag, 1948-1976. I.47; II.237; III.321; IV.130.
• Sigfús M. Johnsen: Saga Vestmannaeyja. Reykjavík: Ísafoldarprentsmiðja H.F., 1946. I. Bls. 110-112/149.