Freyja Jónsdóttir (Nýlendu)

Freyja Stefanía Jónsdóttir frá Nýlendu við Vestmannabraut 42, húsfreyja, verslunarmaður fæddist 26. júní 1924 í Dalbæ við Vestmannabraut 9.
Foreldrar hennar voru Jón Sveinsson úr Fljótshlíð, sjómaður, verkamaður, f. 14. nóvember 1891, d. 2. maí 1977, og kona hans Jenný Jakobsdóttir húsfreyja, f. 13. mars 1891, d. 12. desember 1970.

Freyja var með foreldrum sínum í æsku, í Dalbæ og á Nýlendu.
Hún varð gagnfræðingur í Gagnfræðaskólanum 1941.
Freyja vann afgreiðslustörf 1945, flutti til Vopnafjarðar.
Þau Jóhann giftu sig 1947 á Vopnafirði, eignuðust fimm börn, en fjórða barn þeirra fæddist andvana. Þau bjuggu í fyrstu á Vopnafirði, fluttu til Eyja 1952, bjuggu á Hólagötu 14, en síðast á Nýlendu við Vestmannabraut 42.
Freyja býr á Eyjahrauni 1.

I. Maður Freyju, (11. október 1947), var Jóhann Björnsson póstfulltrúi, bæjarfulltrúi, forstjóri, f. 14. mars 1921, d. 12. maí 2003.
Börn þeirra:
1. Björn Jóhannsson lyfjafræðingur, f. 13. febrúar 1949 á Vopnafirði. Fyrrum kona hans Sigríður Eyjólfsdóttir. Fyrrum kona hans Gunnur Petra Þórsdóttir.
2. Jenný Jóhannsdóttir lífeindafræðingur, f. 26. apríl 1950 á Vopnafirði. Fyrrum maður hennar Sigmundur Einarsson.
3. Inga Jóhannsdóttir verslunarmaður, starfsmaður í þjónustuíbúðum aldraðra, f. 27. desember 1951 á Vopnafirði. Fyrrum maður hennar Karl Lúðvíksson. Fyrrum maður hennar Þorkell Andersen Húnbogason.
4. Andvana stúlka, f. 12. apríl 1961 í Eyjum.
5. Jón Freyr Jóhannsson tölvunarfræðingur, háskólakennari, f. 17. maí 1962 í Eyjum. Fyrrum kona hans Vilfríður Víkingsdóttir. Fyrrum kona hans Valgerður Halldórsdóttir. Sambúðarkona hans María Ólafsdóttir.

---

Heimildir

• Samantekt: Víglundur Þór Þorsteinsson.
• Íslendingabók.
• Jenný.
• Manntöl.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---