Guðbjörg Guðjónsdóttir (London)

Guðbjörg Guðjónsdóttir.

Guðbjörg Guðjónsdóttir frá London við Miðstræti 3, húsfreyja, sjúkraliði fæddist þar 20. mars 1937.
Foreldrar hennar voru Guðjón Þorkelsson frá Sandprýði við Bárustíg 16b, skipstjóri, f. þar 12. september 1907, d. 8. desember 1982, og kona hans Þuríður Einarsdóttir frá Geirlandi við Vestmannabraut 8, húsfreyja, f. þar 31. desember 1910, d. 30. janúar 1988.

Börn Þuríðar og Guðjóns:
1. Sigríður Guðjónsdóttir húsfreyja, lífeindafræðingur, f. 30. júní 1935 í London. Maður hennar er Haraldur Hamar.
2. Guðbjörg Guðjónsdóttir húsfreyja, sjúkraliði, f. 20. mars 1937 í London. Maður hennar Eðvar Ólafsson.
3. Rut Guðjónsdóttir bankaritari, f. 15. júlí 1940 í London. Maður hennar Bjarni Mathiesen.
4. Gylfi Guðjónsson arkitekt, f. 27. ágúst 1947 í Reykjavík. Kona hans Kristín Jónsdóttir.

Guðbjörg var með foreldrum sínum, flutti með þeim til Reykjavíkur 1944.
Hún lauk námi í Kvennaskólanum í Reykjavík, sjúkraliðanámi í Sjúkraliðaskóla Íslands 1977, sat verkstjóranámskeið I og II, hjá Iðntæknistofnun 1993.
Guðbjörg var sjúkraliði á skurðstofu Landspítala 1977-1979, síðan á kvennadeild.
Þau Eðvar giftu sig 1957, eignuðust þrjú börn. Þau bjuggu í fyrstu í Kópavogi, en síðast við Herjólfsgötu í Hafnarfirði.
Eðvar lést 2014.

I. Maður Guðbjargar, (29. júní 1957), var Eðvar Ólafur Ólafsson rafvirkjameistari, rannsóknalögreglumaður, f. 21. nóvember 1936 á Kirkjuvegi 9 í Hafnarfirði, d. 5. júlí 2014. Foreldrar hans voru Ólafur Kristinn Sigurðsson fiskimatsmaður, f. 29. júní 1908 á Minni-Vatnsleysu, Vatnsleysustrandarhreppi, Gull., d. 8. ágúst 1974 í Hafnarfirði, og kona hans Eva Fanney Jóhannsdóttir húsfreyja, f. 18. ágúst 1914 í Hafnarfirði, d. 21. október 1984 í Hafnarfirði.
Börn þeirra:
1. Ólöf Eva Eðvarsdóttir framkvæmdastjóri, f. 15. janúar 1957 í Reykjavík. Maður hennar Trausti Jóhannsson húsasmíðameistari.
2. Hrund Eðvarðsdóttir hárgreiðslumeistari, f. 6. apríl 1960 í Hafnarfirði. Fyrrum maður hennar Gunnlaugur Helgi Gunnlaugsson dúklagningameistari. Maður hennar Þorsteinn Gunnar Aðalsteinsson.
3. Gerður Eðvarðsdóttir leikskólakennari, f. 3. mars 1961 í Reykjavík. Maður hennar Gísli Halldór Halldórsson viðskiptafræðingur.

---

Heimildir

• Samantekt: Víglundur Þór Þorsteinsson.
• Íslendingabók.
• Manntöl.
• Morgunblaðið
• Prestþjónustubækur.
• Sjúkraliðar á Íslandi 1966-1996. Ritstjóri: Sigurður Hermundarson. Mál og mynd 1997.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---