Jóhann Björnsson (póstmeistari)

Jóhann Björnsson.

Jóhann Björnsson frá Veturhúsum á Jökuldalsheiði, póstfulltrúi, forstjóri, bæjarfulltrúi fæddist þar 14. mars 1921 og lést 12. maí 2003.
Foreldrar hans voru Björn Jóhannsson frá Valdasteinsstöðum í Hrútafirði, kennari, skólastjóri, bóndi, f. þar 9. september 1891, d. 28. júní 1968, og kona hans Anna Magnúsdóttir frá Hjarðarhaga á Jökuldal, húsfreyja, ljósmóðir, f. þar 19. desember 1892, d. 17. október 1967.

Jóhann var með foreldrum sínum.
Hann sat í Menntaskólanum á Akureyri 1937-1938, lauk prófum í Samvinnuskólanum í Reykjavík 1942.
Jóhann vann hjá Almenna byggingafélaginu á Skagaströnd 1945-1946, var póst- og símstöðvarstjóri á Vopnafirði 1947-1952.
Hann var póstfulltrúi í Eyjum 1952-1969, forstjóri Sjúkrasamlagsins í Eyjum 1969-1981.
Jóhann starfaði í ungmennafélagi, í leikfélagi og kórum á Vopnafirði, í Leikfélagi Vestmannaeyja, Ferðafélaginu og Framsóknarfélaginu í Eyjum, var virkur félagi í Rótary og Oddfellow reglunni. Hann var bæjarfulltrúi í Eyjum eitt kjörtímabil, sat í skólanefnd og umhverfisnefnd. Jóhann sat í stjórn Kaupfélags Vestmannaeyja um árabil og í stjórn Sparisjóðs Vestmannaeyja. Hann var fulltrúi Samvinnutrygginga, sá um útgáfu Framsóknarblaðsins.
Þau Freyja giftu sig1947, eignuðust fimm börn, en fjórða barn þeirra fæddist andvana. Þau bjuggu í fyrstu á Vopnafirði, fluttu til Eyja 1952, bjuggu á Hólagötu 14, en síðast á Nýlendu við Vestmannabraut 42.
Jóhann lést 2003.
Freyja býr á Nýlendu.

I. Kona Jóhanns, (11. október 1947 á Vopnafirði), er Freyja Stefanía Jónsdóttir frá Nýlendu, húsfreyja, f. 26. júní 1924 í Dalbæ við Vestmannabraut 9.
Börn þeirra:
1. Björn Jóhannsson, f. 13. febrúar 1949 á Vopnafirði. Fyrrum kona hans Sigríður Eyjólfsdóttir. Fyrrum kona hans Gunnur Petra Þórsdóttir.
2. Jenný Jóhannsdóttir, f. 26. apríl 1950 á Vopnafirði. Fyrrum maður hennar Sigmundur Einarsson.
3. Inga Jóhannsdóttir, f. 27. desember 1951 á Vopnafirði. Fyrrum maður hennar Karl Lúðvíksson. Fyrrum maður hennar Þorkell Andersen Húnbogason.
4. Andvana stúlka, f. 12. apríl 1961 í Eyjum.
5. Jón Freyr Jóhannsson, f. 17. maí 1962 í Eyjum. Fyrrum kona hans Vilfríður Víkingsdóttir. Fyrrum kona hans Valgerður Halldórsdóttir. Kona hans María Ólafsdóttir.

---

Heimildir

• Samantekt: Víglundur Þór Þorsteinsson.
• Íslendingabók.
• Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
• Morgunblaðið 17. maí 2003. Minning.
• Prestþjónustubækur.
• Ættir Austfirðinga. Einar Jónsson og fleiri. Austfirðingafélagið í Reykjavík 1953-1968.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---