Edda Angantýsdóttir (Hlaðbæ)

Edda Angantýsdóttir frá Hlaðbæ, húsfreyja, bókavörður, bókari fæddist þar 7. apríl 1953.
Foreldrar hennar voru Angantýr Arngrímur Elíasson skipstjóri, útgerðarmaður, vigtarmaður, yfirhafnsögumaður, f. 29. apríl 1916 í Bolungarvík, d. 18. júní 1991, og kona hans Sigríður Björnsdóttir frá Bólstaðarhlíð, húsfreyja, f. 8. apríl 1923, d. 30. júlí 2019.

Börn Sigríðar og Angantýs:
1. Elías Björn Angantýsson, kjörbarn, vélvirki í Garðabæ, f. 20. ágúst 1948. Kona hans Drífa Vermundsdóttir.
2. Edda Angantýsdóttir húsfreyja, bókari, f. 7. apríl 1953. Maður hennar Sigmar Georgsson.
Fósturdóttir hjónanna:
3. Jóhanna Kolbrún Jensdóttir húsfreyja, f. 4. desember 1938, d. 8. júní 2010. Maður hennar var Kristinn Kristinsson, látinn.

Edda var með foreldrum sínum í æsku.
Hún varð 4. bekkjar gagnfræðingur í Gagnfræðaskólanum 1970.
Hún var við bókavarðarnám, vann í Bókasafni Vestmannaeyja í mörg ár og á bókasafninu í Hamarsskóla. Síðan vann hún í versluninni Vöruval við reikningshald og pökkun, en síðan í Höllinni við ýmis störf og var þar hluthafi.
Þau Sigmar giftu sig 1972, eignuðust tvö börn. Þau bjuggu á Vegbergi við Skólaveg 32 við Gos 1973, síðar Smáragötu 18 og á Grund við Kirkjuveg 31.

I. Maður Eddu, (8. apríl 1972), er Sigmar Georgsson frá Vegbergi, verslunarstjóri, framkvæmdastjóri, f. 1. apríl 1950.
Börn þeirra:
1. Sigríður Sigmarsdóttir húsfreyja, þroskaþjálfi, f. 13. júní 1973. Maður hennar Jón Valur Jónsson.
2. Harpa Sigmarsdóttir jarðfræðingur, f. 16. febrúar 1978. Maður hennar Baldvin Þór Svavarsson.

---

Heimildir

• Samantekt: Víglundur Þór Þorsteinsson.
• Íbúaskrá Vestmannaeyja 1972.
• Íslendingabók.
• Morgunblaðið 10. ágúst 2019. Minning Sigríðar Björnsdóttur.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---