Kristján Gunnar Eggertsson

Kristján Gunnar Eggertsson.

Kristján Gunnar Eggertsson frá Oddeyri, Flötum 14, rafvirkjameistari, framkvæmdastjóri, hafnarvörður fæddist þar 20. ágúst 1947.
Foreldrar hans voru Helga Ólafsdóttir frá Oddeyri, húsfreyja, skrifstofumaður, f. 13. janúar 1925, d. 11. apríl 1997, og Eggert Ólafsson skipasmíðameistari, f. 7. mars 1924 á Þorvaldseyri á Eyrarbakka, d. 12. apríl 1980.

Börn Helgu og Eggerts:
1. Ólafur Ragnar Eggertsson rekstrartæknifræðingur, framkvæmdastjóri, f. 1. október 1945 á Oddeyri, d. 18. janúar 2002.
2. Kristján Gunnar Eggertsson rafvirkjameistari, framkvæmdastjóri, f. 20. ágúst 1947 á Oddeyri.

Kristján var með foreldrum sínum í æsku, með þeim á Oddeyri og Illugagötu 75.
Hann lauk fjórða bekkjar gagnfræðaprófi í Gagnfræðaskólanum 1964, nam rafvirkjun við Iðnskólann og lauk sveinsprófi 1967. Meistari hans var Lárus Guðmundsson. Kristján fékk lágspennuréttindi 1971.
Kristján vann hjá Guðjóni Scheving í verslun hans 1964, hjá Rafveitu Vestmannaeyja 1968-1973, þar af rafmagnseftirlitsmaður1970-1972. Hann stóð að stofnun og rekstri fataverslunarinnar Steini & Stjáni 1974-1982.
Síðan var hann framkvæmdastjóri Skipaviðgerða ehf. 1972-2002, hafnarvörður 2003-2017.
Þau Guðný bjuggu í fyrstu á Illugagötu 77 til 1982, á Áshamri 8 1982-1996, þá á Illugagötu 75 til febrúar 2019, er þau fluttu í Borgarnes og búa þar að Stekkjarholti 2.

I. Kona Kristjáns Gunnars er Guðný Bjarnadóttir frá Kjalvararstöðum í Reykholtsdal í Borgarfirði, ljósmóðir, hjúkrunarfræðingur, djákni, f. 10. desember 1950.

---

Heimildir

• Samantekt: Víglundur Þór Þorsteinsson.
• Íslendingabók.is.
• Prestþjónustubækur.
• Rafvirkjatal. Ritstjóri: Þorsteinn Jónsson, Gunnar Guðmundsson og fleiri. Þjóðsaga hf. 1995.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---