Björn H. Jónsson (skólastjóri)

Björn Hermann Jónsson fæddist 24. júní 1888 í Miðfirði og lést í Reykjavík 5. júni 1962, 73 ára að aldri. Björn ólst upp hjá foreldrum sínum þar til hann var 19 ára. Þá hvarf hann til náms í Flensborgarskólanum í Hafnarfirði þar sem hann lauk gagnfræðaprófi 1907. Árið 1909 fór Björn til Danmerkur til framhaldsnáms þar sem hann dvaldist í 5 ár. Björn Hermann kvæntist Jónínu G. Þórhallsdóttur 30. apríl 1915.

Árið 1914 þurfti Steinn Sigurðsson skólastjóri í Vestmannaeyjum frá að hverfa. Björn Hermann var þá einn af þeim átta sem sóttu um stöðuna. Hlaut hann hana með atkvæðum allrar skólanefndarinnar. Björn var skólastjóri í Vestmannaeyjum í 6 ár. Hann var áhrifaríkur og ötull og áhugasamur hugsjónamaður.